Bota

Prodhonte 200 kg kokainë në ditë,bastiset laboratori më i madh në Hollandë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:51 - 11/08/20 |
Al Do

Policia Hollandeze ka bastisur atë që ata thanë se ishte laboratori më i madh i kokainës i gjetur ndonjëherë në Hollandë, i ndërtuar në një shkollë hipizmi në veri të vendit.

Policia bastisi stallat të premten duke arrestuar të paktën 17 të dyshuar, shumica e tyre qytetarë kolumbianë. U arrestuan gjithashtu tre holandezë dhe një turk.

“Ky është laboratori më i madh i kokainës i gjetur ndonjëherë në Hollandë,” tha shefi i policisë, Andre van Rijn.

“Duke pasur parasysh numrin e njerëzve që punonin atje, instalimet, madhësinë dhe pajisjet, ne vlerësojmë laboratori ka aftësinë e prodhimit të 150 deri në 200 kg kokainë në ditë,” tha ai në një deklaratë.

Në rrugë, kjo sasi ka një vlerë rreth 4.5 milionë deri në 6 milionë euro në gjendje të paprerë.

Përveç dhjetëra mijëra litra kimikate, policia konfiskoi edhe një 100 kg bazë kokaine.

Të dyshuarit do të paraqiten para një gjykatësi më vonë këtë javë.

Hollanda është parë si një pikë kryesore e hyrjes së drogës në Evropë dhe ka luftuar me krimin, veçanërisht kontrabandën e kokainës, e cila kryesisht vjen përmes portit më të madh të kontinentit, Roterdamit./ Opinion.al

Pas