Aktualitet

Prodhonin dhe shisnin lëndë narkotike, 7 në pranga dhe 3 të kërkuar


               Publikuar në : 12:29 - 17/10/19 |
xhu lia

Shtatë persona kanë rënë në prangat e policisë së Vlorës dhe 3 të tjerë janë shpallur në kërkim gjatë një operacionit kundër prodhimit të lëndëve narkotike.

Sipas policisë pas 6 muajsh hetimesh të realizuara në bashkëpunim me Prokurorinë e Rrethit Gjyqësor Vlorë, dhe policinë e Fierit  është bërë i mundur dokumentimi i aktivitetit kriminal në  zonat me risk të lartë për kultivimin e bimëve narkotike, siç janë Njësitë Administrative të Bashkisë Selenicë.

Operacioni është përqëndruar në dokumentimin dhe goditjen e aktivitetit kriminal kryesisht kundër ”Kultivimit të bimëve narkotike”, por edhe veprave të tjera penale si ”Prodhimi dhe shitja e narkotikëve” e kryer në bashkëpunim, ”Shpërdorimi i detyrës”, ”Armëmbajtja pa leje” dhe ”Moskallëzimi i krimit”.

Të arrestuarit nga ky operacion janë 33-vjeçari me iniciale Ç.V, 28-vjeçari me iniciale E.L, 22-vjeçari me iniciale D.N, 37-vjeçari me iniciale A. (Sh) V, 27-vjeçari A.V, 22-vjeçari M.V dhe 29 vjeçari R.L.

Gjithashtu është bërë edhe shpallja në kërkim e 3 personave të tjerë.

Sipas policisë bëhet e ditur se janë evidentuar 24 raste të kultivimit të bimëve narkotike në 5 Njësitë Administrative (Armen, Sevaster, Brataj, Kotë dhe Vllahinë), ku më parë janë arrestuar, proceduar dhe shpallur në kërkim 16 persona (8 të arrestuar, 4 në kërkim, 4 në gjendje të lirë).

Në këtë operacion janë sekuestruar 3 armë zjarri (2 kallashnikov dhe 1 pistoletë), 1 226 000 lekë dhe 4 850 €uro, 3 automjete dhe 19 aparate celulare, si dhe janë asgjësuar bimë dhe fidanë kanabisi./Opinion.al/

 

 

Pas