Bota

Pritet të drejtojë Korenë e Veriut, e motra më e “hekurt” se Kim Jong Un


Bëhu pjesë e Grupit Zyrtar të Opinion.al
>> KËTU <<
               Publikuar në : 13:33 - 25/08/20 |
el ida

Diktatori i Koresë së Veriut, Kim Jong-un dyshohet të jetë në koma dhe drejtimin e Pyongyang-ut, se do ta marrë motra e vogel, Kim Yo-jong.Zërat për shëndetin e liderit të Koresë së Veriut, janë gjithmonë e më të shpeshta, madje shtohen burimet që pohojnë vdekjen e tij disa muaj më parë, dhe zëvendësimin e tij të përkohshëm me një sozi.

Krahas pikëpyetjeve për diktatorin e ri, shtohet çdo ditë e më shumë kurioziteti për motrën e tij Kim Yo Jong, e cila sipas analistëve po përgatit për të marrë pushtetin në Penian.

Në piramidën e pushtetit të Penianit, ku rrëzimet janë të shpeshta dhe dramatike, duket sikur ka një siguri të vetme. Pas Kim Jong-Un, komandon vetëm e motra.

“Ajo mund të tregohet edhe më diktatore se vëllai, babai dhe gjyshi i saj”, thotë Sung-Yoon Lee, profesor i Shkencave Politike i Tuft University.

E përshkruar si person me ambicie të madhe qysh nga viti 2002, kur e pohoi vetë i ati Kim Jong-il, Kim Yo Jong ka ndenjur me zgjuarsi në hijen e të vëllait, e fotografuar gjithmonë në shërbim të tij duke i shërbyer një çaj, ose duke i dhënë stilografin me të cilin Kim Jong Il do të firmoste vendimet e tij më të rëndësishme.

Por në fakt, sipas të gjithëve, ndikimi i saj tek i vëllai është shumë madh. Por në rastin e marrjes së pushtetit, ajo duhet të legjitimojë figurën e saj si pasardhëse e denjë e dinastisë Kim, dhe kjo mund të ketë pasoja të paparashikueshme në skenarin ndërkombëtar.

“Ajo është mbështetëse e linjës së fortë ndaj Koresë së Jugut dhe Shteteve të Bashkuara, dhe nuk ka shenja që ka një qasje reformatore”, thotë Victor Cha, një nga ekspertët më të mëdhenj amerikan të Penianit zyrtar, i cili nuk shmang mundësinë që në rastin e marrjes së pushtetit, ajo mund të rinisë fushatën e hedhjes së raketave kërcënuese për stabilitetin në rajon.

Kim Jo-jong, vetëm 4 vjet më e vogël se vëllai 36-vjeçar, duket sikur është shndërruar në këshilltaren më të besuar të liderit suprem të Koresë së veriut. Ashtu si për të vëllain, pamjet e tregojnë shpesh herë të buzëqeshur, por portreti i saj nuk tregon rolin që ka në regjimin më të mbyllur të planetit.

Formalisht ajo mban postin e zëvendës drejtoreshës së zyrës së Agjitacionit dhe Propagandës, sektori më i ashpër kundër disidentëve ose thjesht personave që mund të kenë zbehur kultin e individit të Kim Jong Un. Bashkë me vëllain më të madh, edhe ajo ka studiuar në Zvicër, dhe lideri suprem e përdor shpesh në marrëdhëniet ndërkombëtare, ku roli më i rëndësishëm ka qenë kreu i delegacionit të Lojërave Olimpike Dimërore në 2018. Por sot ajo, një nga dy gratë e vetme në Politburo, përfaqëson shumë më shumë./Opinion.al

Pas