Aktualitet

Primaret e PD/ Berisha: Garë fisnike, sot jemi forca më e fuqishme politike



Bëhu pjesë e Grupit Zyrtar të Opinion.al
>> KËTU <<
               Publikuar në : 21:23 - 04/12/22 |
Opi Nion

Kreu i Partisë Demokratike, Sali Berisha ka dalë në një deklaratë për mediat pas përfundimit të procesit të votimit në Primaret e kësaj force politike, nga të cilat do të dalin kandidatët për zgjedhjet lokale të 14 majit.

Teksa falenderoi anëtarët dhe simpatizanët e PD-së që votuan për kandidatët për kryetar bashkie, Berisha u shpreh se Primaret ishin një garë fisnike, e pashembullt dhe e paparë ndonjëherë.

Ndër të tjera, kryedemokrati u shpreh se Partia Demokratike është forca më e fuqishme aktualisht në vend.

“Erdha të falënderoj me shumë përzemërsi ata dhjetëra-mijëra anëtarë dhe simpatizantë të PD që votuan në të katër anët e vendit për kandidatët për kryetar bashkie. Një falënderim të veçantë kam për të gjithë ata që morën pjesë në këtë garë, e fisnikëruan atë, e pashembullt e paparë ndonjëherë, mbi 20 burra e gra, prurje të larmishme, të ndryshme, por që me angazhimin e tyre e bënë garën më kuptimplotë, më të fisme, më të pashembullt në historinë e vendit. Falenderoj shumë të gjitha strukturat e PD, të gjitha degët, që u angazhuan në administrimin e këtij procesi. Falenderoj komisionin e operacioneve zgjedhore, i cili ka përballur një vëllim pune të jashtëzakonshëm gjatë këtyre ditëve. Dua të theksoj se sot ishte hera e pestë, që nga 18 dhjetori i vitit 2021, që anëtarët e PD folën, vendosën dhe firmosën me votën e tyre. Nuk besoj të ketë një forcë tjetër politike gjëkundi, që në një hark kohorë në më pak se 12 muaj të ketë ushtruar me të gjithë anëtarësinë e saj 5 herë votën e tyre. Kam bindjen se çdo anëtar i PD, simpatizantët e saj, ndjehen më të lirë, më dinjitozë, më të motivuar se kurrë, në idealet e tyre demokratike. Kjo forcë politike përmbysi procedurën e përfaqësimit dhe të zgjedhjes së drejtuesve partiakë, qeveritarë vendorë, të saj. PD është sot forca më e fuqishme e vendit”, tha Berisha./Opinion.al

Pas