-Teknologji

Presioni nga rrjetet sociale, Instagrami merr masa të ashpra


               Publikuar në : 12:33 - 19/09/19 |
el ida

Instagram, njoftoi se ka ndërmarrë masa të rrepta për postimet që lidhen me produktet që promovojnë humbjen në peshë dhe kirurgjinë kozmetike.

Instagram njoftoi se postime të caktuara do të fshihen për përdoruesit nën 18 vjeç, ndërsa të tjera që promovojnë produkte “të mrekullueshme” për humbje të peshës, do të hiqen plotësisht.

Ndryshimet do të vlejnë edhe për rrjetin social Facebook.

“Ne duam që Instagrami të jetë një vend pozitiv për të gjithë ata që e përdorin dhe kjo politikë është pjesë e punës sonë të vazhdueshme për të ulur presionin që njerëzit ndonjëherë mund të ndjejnë si rezultat i mediave sociale”, tha Emma Collins, menaxhere e politikave publike në Instagram.

“Këshillat janë kërkuar nga ekspertë në fushën e politikës së mediave sociale”, shtoi ajo.

Kujtojmë se jo rrallë herë ka pasur shqetësime në rritje për efektin që industria kozmetike dhe dietat kanë te njerëzit, përmes promovimit të synimeve jorealiste. Efekte që kanë çuar në depresion dhe ankth një numër të konsiderueshëm të rinjsh.

Në muajin shkurt, drejtori i Shërbimit Kombëtar të Shëndetit në Angli, Stephen Powis, ka bërë thirrje për ndalimin e reklamave të personave të famshëm, që promovojnë humbjen e peshës, duke thënë se prodhimet që ata reklamojnë kanë efekte të dëmshme në shëndetin fizik dhe mendor të të rinjve.

 

Pas