Presidentja e Komisionit Evropian, Ursula Von der Leyen ka mbajtur fjalën e saj në Kuvendin e Maqedonisë së Veriut, ndërsa deputetët e opozitës kanë protestuar kundër propozimit francez me mbishkrimin “Jo”.
Një nga deputetët e partisë “E Majta”, Dimitar Apasiev, iu drejtua foltores ku presidentja e KE-së po mbante fjalën e saj dhe ka vendosur pankartën me mbishkrimin “Jo”.
Opozita në Maqedoninë e Veriut e ka kundërshtuar propozimin francez pasi sipas tyre ky propozim nuk ruan gjuhën dhe identitetin e tyre.
Nga ana tjetër, Von der Lyen tha se propozimi francez respekton identitetin e qytetarëve të Maqedonisë së Veriut dhe se maqedonishtja është gjuha e tyre.
Sipas presidentes së KE-së, ky propozim do të mundësonte paqen dhe vendit procesin e integrimit evropian.
