Kryesore

Presidenti Meta nuk dekreton “korporatën e investimeve”


               Publikuar në : 13:51 - 09/11/19 |
geliano fataj

Presidenti Ilir Meta nuk ka dekretuar ligjin për “Për Korporatën e Investimeve Shqiptare”. Kreu i shtetit argumenton se Qeveria nëse kishte për qëllim të vetëm krijimin e Korporatës së Investimeve Shqiptare si subjekt tregtar, nuk kishte arsye të nxirrte një ligj të veçantë.

Nëpërmjet dispozitave të kuadrit ligjor ekzistues, argumenton Presidenti mund të themelonte këtë subjekt të ri dhe ta regjistronte atë si të gjitha subjektet e tjera pranë regjistrit të subjekteve tregtare në Qendrën Kombëtare të Biznesit.

“Qëllimi real i Këshillit të Ministrave, i pranuar nga Kuvendi, në nxjerrjen e ligjit nr.71/2019, nuk ka qenë vetëm krijimi i Korporatës së Investimeve Shqiptare si shoqëri tregtare aksionare, por trajtimi i kësaj shoqërie me një legjislacion të veçantë duke i dhënë asaj një karakter dominues në treg dhe duke e veshur atë apriori me pushtet vendimmarrës të njëjtë me atë të një agjencie/institucioni publik shtetëror”, thekson Meta.

Në nenin 8 të ligjit, argumenton kreu i Shtetit, nuk parashikohet qartë se në cilën mënyrë Korporata do të mbështetet nga institucionet me infrastrukturë ndihmëse (rrugë, ujësjellës, kanalizime, energji elektrike apo telekomunikacion) kur këto shërbime utilitare ofrohen nga shoqëri aksionere apo ente publike që veprojnë sipas rregullave në fuqi dhe që mund të jenë pjesë e kompetencave të pushtetit vendor apo mund të kontrollohen prej tyre./ Opinion.al

Argumentet e plota të Presidentit i gjeni këtu 

Pas