Presidenti iranian Hassan Rouhani u bëri thirrje myslimanëve në mbarë botën të shtunën për t’u bashkuar kundër Shteteve të Bashkuara. Në vend të “nxjerrjes së qilimave të kuq për kriminelët”.
Uashingtoni në maj riktheu sanksionet mbi Teheranin. Pasi Presidenti Donald Trump u tërhoq nga një marrëveshje bërthamore ndërkombëtare me Iranin në vitin 2015. Sippas të cilëa këta të fundit hiqnin dorë nga ambiciet bërthamore.
“Dorëzimi ndaj Perëndimit të kryesuar nga Amerika, do të ishte tradhti kundër fesë sonë. Dhe kundër gjeneratave të ardhshme të këtij rajoni”, tha Rouhani në një konferencë ndërkombëtare mbi unitetin islam në Teheran. Në një fjalim të transmetuar drejtpërdrejt në televizionin shtetëror.
“Ne kemi një zgjedhje për të hapur qilima të kuq për kriminelët, ose për të qëndruar me forcë kundër padrejtësive dhe të qëndrojmë besnikë ndaj Profetit tonë, Kuranit tonë dhe Islamit tonë”, tha Rouhani, në një referencë të dukshme për Arabinë Saudite dhe shtetet e tjera të Gjirit që kanë lidhje të ngushta me Uashingtonin.
Irani dhe Arabia Saudite janë rivalë rajonalë dhe kanë mbështetur anët e kundërta në konfliktet në Siri dhe Jemen dhe fraksione të ndryshme politike në Irak dhe Liban.
“Ne jemi të gatshëm të mbrojmë interesat e popullit saudit kundër terrorizmit, agresionit dhe superfuqive … dhe ne nuk kërkojmë 450 miliardë dollarë për ta bërë këtë,” tha Rouhani, duke iu referuar kontratave të Arabisë Saudite me Shtetet e Bashkuara.
