Kryetari i Partisë Demokratike, Lulzim Basha, ka akuzuar edhe njëherë kryeministrin Edi Rama se kërkoi të bëjë me zor dëshmore punonjësen e policisë, me qëllim denigrimin e protestës së banorëve të Unazës.
Deklaratën Basha e bëri nga selia e Partisë Demokratike ku ndër të tjera tha “se opozita dhe banorët nuk do ta lejojnë ‘aferën 40 mln euro’ ku i bëri thirrje Ramës të zmbrapset.
Deklarata e plotë
“Rama është shfaqur para shqiptarëve, duke sulmuar këdo. Kërkon t’u rrëmbejë pronën banorëve dhe të përfitojë nga megaafera 40 mln euro. Është i obsesionuar të mbrojë marrëveshjen që ka lidhur për të vjedhur 40 mln euro, ndaj po burgos qytetarë të pafajshëm nëna e fëmijë. Flet nga mëngjesi në darkë për karrigen e tij, për tepsinë e tij është gati të flakë në rrugë qindra familje pa strehë. Po përdor policinë si burracak duke vendosur vajza të pambrojtuara në rresht të parë. I përdor me propagandë dhe do t’i bëjë dëshmore me zor. Do të pëlqente ta bëjë dëshmore me zor o plehrë, me siguri mezi po pret o i sëmurë. Ajo nuk do ishte në radhë të parë të protestës nëse do kishe një polici të trajnuar.
“Kështu e mbajte mandatin e parë i bërë kriminelët biznesmenë dhe kështu do ti bësh gratë e vajzat dëshmore për karrigen tënde o i çmendur, o i sëmurë. Për para po shet Shqipërinë. Tërhiqu nga afera korruptivë e Unazës. Asnjë centimetër nuk do përparosh. Do jemi aty për të penguar ty dhe së shpejti do marrësh atë që meriton. Ndal dhunimit të nënave, ndal dhunimit barbar. I bëj thirrje autoriteteve të verifikojnë torturat njerëzore. Nuk ka për të përfunduar me kaq Edi Rama. Nuk ke për t’i marrë ato 40 mln euro. Kjo është vija e kuqe për ty dhe çdo shqiptar. Zmbrapsu dhe mendohu i mirë. I bëj thirrje çdo polici dhe policeje të mos përballet me motrat e vëllezërit e tyre por të bëhen pjesë e qëndresës”.
Basha tha më tej se protesta do të nisë sërish sot pasdite dhe se PD do të jetë aty. “Sot në orën 17:00 do ketë protestë. PD do jetë aty. I bëj thirrje qytetarëve të bashkohen për të qëndruar bashkë kundër këtij hajduti”
