Noha dhe Razan Khashoggi, vajzat e gazetarit të vrarë saudit, shkruan një artikull për gazetën amerikane “The Washington Post” ku në një mënyrë shumë emotive kujtojnë babanë e tyre, transmeton Anadolu Agency.
Artikulli i vajzave të Khashoggit në “The Washington Post”, gazetë e cila publikonte shkrimet e babait të tyre, u publikua me titullin:
“Ne jemi vajzat e Jamal Khashoggit. Premtojmë se drita e tij kurrë nuk do të shuhet”.
“Jamal Khashoggi ishte një njeri kompleks, por ndaj nesh, vajzave të tij, ishte thjeshtë ‘baba’. Familja jonë përherë ishte krenare me punën që bënte. Në jetën tonë ai ishte ‘baba’, njëri me shumë dashuri dhe me zemër të madhe”, shkruan vajzat e Khashoggit.
Ata thonë se babai çdo fundjavë i ka dërguar në biblotekë, dhe kanë dashur të shfletojnë pasaportën e tij me të gjitha destinacionet ku ka udhëtuar, por edhe të gërmojnë në tavolinën e tij të punës e cila çdo herë ka qenë përplot me revista dhe copëza të ndryshme të shkëputura nga gazetat.
“Si fëmijë, ne e kemi njohur babain tonë si udhëtar. Puna e ka dërguar gjithandej, por ai përherë kthehej me dhurata dhe rrëfime fantastike. Kishim dëshirë që të qëndronim natën deri vonë duke e pyetur se ku ka qenë dhe çfarë ka bërë. Sa do larg që udhëtonte përherë kemi besuar se do ta shohim përsëri. Që nga fëmijëria ishim të vetëdijshme për punën e tij, e dinim sa person i rëndësishëm është, fjalët e të cilit ndikojnë edhe tek njerëzit që janë shumë larg”, shkruajnë Noha dhe Razan.
Ato theksuan gjithashtu se janë rritur me dashurinë e prindërve të tyre për diturinë.
“Pa kufi herë na kanë dërguar në vizitë të muzeve dhe vendeve historike. Një herë gjatë udhëtimit nga Xheda për në Medinë babai na tregonte për zonat e ndryshme dhe rëndësinë e tyre historike. Çdo herë ishte i rrethuar nga librat dhe çdo herë ëndërronte të ketë edhe më shumë dhe çdo gjë që ka lexuar. Kurrë nuk ka diskriminuar asnjë, në tërësi apsorbonte çdo mendim. Dashuria e tij që kishte për librin e mësoi që në atë mënyrë të formojë mendimet. Këtë na mësonte dhe ne”, theksuan ndër të tjera motrat Khashoggi.
Ato poashtu shtuan se jeta e babait të tyre ishte plot me momente të papritura, por përkundër të gjithave, ai ishte përherë optimist.
Siç thanë, babai i tyre kishte një anë pragmatike.
“Për të ishte shumë e rëndësishme të thotë atë që mendon, të ndajë mendimin e tij dhe të flasë sinqerisht. Për të shkrimi nuk ishte vetëm një punë, kjo ishte një obligim brenda personalitetit të tij, ajo e mbante në jetë. Duke iu falënderuar fjalëve që na ka lënë, shpriti i tij është me ne, për këtë i jemi mirënjohëse”, kanë shkruar vajzat e tij.
Më tej shtojnë se babai i tyre asnjëherë nuk ka humbur shpresën në vedin e tij dhe shtojnë: “Pikërisht babai ynë nuk ishte disident”.
“Më e vështira ishte të shohësh bosh karrigen e tij. Mungesa e tij krijonte boshllëk. Këtu e shihnim shpesh ulur, ndërsa shkruante duke mbajtur syzet në ballë. Përsëri shikuam të gjitha gjërat e tij. Ndërsa po shihnim gjërat e tij, e dinim se ai kishte vendosur me përkushtim të shkruante me shpresën se kur të kthehet në Mbretëri, ajo do të jetë një vend më i mirë për të dhe të gjithë sauditët”.
Shkrimin në “The Washington Post” e përfunduan me fjalët:
“Ky shkrim nuk është kurrfarë lavdërimi. Ky shkrim është për t’u betuar se drita e tij kurrë nuk do të shuhet. Dhe se do të ruajmë trashëgiminë e tij. Babai dinte të thoshte ‘Të shkosh dikur, do të thotë të mbetesh’. Dhe këtu kishte të drejtë, tani kjo tingëllon logjikisht. Ndjehemi të bekuara që jemi rritur pranë busullës së moralit të tij, njohurive të tij për diturinë dhe të vërtetën dhe dashurinë e tij. Deri në ritakimin tonë në jetën tjetër”.
Teksti në “The Washington Post” u publikua me ilustrimin ku mund të shihet karrigia boshe në mbështetësen e së cilës ndodhet gazeta “The Washington Post” dhe syzet, piktura e bërë nga vajza e tij Razan.
Khashoggi, kolumnist në gazetën “The Washington Post”, u vra më 2 tetor në Konsullatën Saudite në Stamboll.
Pas disa javësh mohime për përfshirjen në krim, Arabia Saudite më vonë pranoi se Khashoggi ishte vrarë brenda konsullatës. Por tha se familja mbretërore saudite nuk kishte njohuri paraprake për ndonjë komplot për vrasjen e gazetarit.
Deri tani, 21 persona, përfshirë oficerë të sigurisë, janë arrestuar në Arabinë Saudite në lidhje me vrasjen.
