Aktualitet

Presidenti/ Balla-opozitës: Nëse vijoni me formulën 4-2-1, s’kemi konsensus


Bëhu pjesë e Grupit Zyrtar të Opinion.al
>> KËTU <<
               Publikuar në : 15:42 - 24/05/22 |
Opi Nion

Në mbledhjen e sotme të Konferencës së kryetarëve,  kryetari i grupit parlamentar të Partisë Socialiste, Taulant Balla është shprehur se nëse opozita vijon me idenë se presidenti do të zgjidhet me patjetër me formulën 4, 2 1 , atëherë nuk ka konsensus për zgjedhjen e presidentit të ri dhe do të vijohet me hapat e tjerë.

“Si mund të thuash hajde negociojmë, unë propozoj Tabakun, Dumën, Gjekmarkaj dhe Alebeajn, edhe presidenti i bie të jetë ose Tabaku ose Duma. Ky nuk është proces. Më mirë thoni na e lini ne të zgjedhim presidentin. Ju pretendoni të keni presidentin, ne mendojmë ndryshe. Presidenti apo presidentja duhet të kalojë përmes një proces më të gjerë. Ne nuk do propozojmë kandidatë me datë 30, me shpresën se mund të ndodhë ajo që tha Mediu, mund të ndodhë. Do shkojmë në grupin parlamentar të PS, do themi kanë ardhur këto kandidatura pastaj do vijmë tek ju për secilin. Nëse mendoni që ju propozoni katër dhe mes tyre patjetër duhet të jetë presidenti, ky nuk është proces. Unë mendoj që bisedimet duhet të vijojnë. Nëse 4, 2 1 është formula juaja le të themi që sot nuk kemi dakordësi dhe le të kërkojmë nga partitë e tjera që të propozojnë kandidatura që mund të marrë mbështetje.”, tha Balla.

Kujtojmë se dy raundet e para për zgjedhjen e presidentit  dështuan pa asnjë emër.

Pas