Portugalia po përballet me zjarre të fuqishme që po shkrumbojnë disa zona në qendër të vendit, ndërsa autoritetet njoftuan për mbi 20 të plagosur, një prej të cilëve në gjendje të rëndë.
Mbi një mijë zjarrfikës, dhe rreth 20 avionë dhe helikopterë, janë angazhuar për shuarjen e flakëve që po përhapen me shpejtësi, të ndihmuara nga era e fortë dhe moti i thatë me temperatura të larta.
Nga ana tjetër disa operacione të ndryshme evakuimi janë kryer në zonat e prekura nga zjarret në Portugalinë qendrore. Ushtria po ashtu ka dislokuar trupa dhe makineri për tu ardhur në ndihmë zjarrfikësve, ndërsa disa rrugë kombëtare janë mbyllur.
Gjashtë rajone të tjera në Portugalinë qendrore dhe jugore janë vënë në alarm maksimal për zjarre./Opinion.al
