Aktualitet

Politikanët shqiptarë urojnë kryeministrin e ri të Britanisë së Madhe



Bëhu pjesë e Grupit Zyrtar të Opinion.al
>> KËTU <<
               Publikuar në : 14:20 - 25/10/22 |
Opi Nion

Krerët e Partive politike kryesore në Shqipëri kanë uruar Rishi Sunak për marrjen e detyrës si kryeministri i ri i Britanisë së Madhe.

Kanë shprehur urimet e tyre kreu i Partisë së Lirisë, Ilir Meta dhe kryetari i PD-së, Sali Berisha.

Në një postim në rrjetin social “Facebook”, Berisha i uron Sunak suksese në udhëheqjen e Partisë Konservatore, ndërsa shton se Britania zgjodhi si kryeministër njërin prej personaliteteve më të njohura të saj.

“Rishi Sunak bën historinë! Zgjidhet kryeminister i Mbreterisë së Bashkuar.

Të dashur miq!Partia Konsevatore e Britanisë së madhe zgjodhi dje për kryeministër të Mbreterisë së Bashkuar njërin prej personaliteteve më të njohur të saj, politikanin dhe ekonomistin e shquar me reputacion botëror, Rishi Sunak.Zgjedhja e tij dje si kryeministër u krahasua me zgjedhjen e Barack Obamës si president i SHBA sepse prindërit e Sunak janë të dy me origjinë indiane dhe kanë ardhur në Angli nga Afrika Lindore. Rishi Sunak ishte minister i financave në kabinetin e Boris Johnson dhe pas dorhëqjes së këtij të fundit në shtator, garoi për postin e kryeministrit e Britanisë së Madhe. Por, këtë qëllim e realizoi me shpejtësi pas dorëheqjes së kryeministres Truss. Me këtë rast, le ti urojmë ne kryeministrit Rishi Sunak suksese të mëdha në udhëheqjen e Partisë Konservatore dhe Mbreterisë së Bashkuar”, shkruan Berisha.

Ndërkohë, kryetari i PL-së, Meta shkruan se Sunak është një personalitet i spikatur dhe frymëzues, që jep shpresë për fuqizimin e marrëdhënieve mes vendeve tona mike në interes të të dy popujve.

“Shumë urime dhe suksese z.Rishi Sunak për zgjedhjen në detyrën e lartë dhe të rëndësishme të Kryeministrit të ardhshëm të Britanisë së Madhe.
Një personalitet i spikatur dhe frymëzues, që jep shpresë për fuqizimin akoma më shumë, në të gjitha fushat, të marrëdhënieve mes vendeve tona mike në interes të të dy popujve. Partia e Lirisë beson në vijimin e angazhimit të dosmosdoshëm të Britanisë së Madhe në Ballkanin Perëndimor, si faktor i pazëvendësueshëm për stabilitetin e rajonit, konsolidimit të demokracisë, shtetit ligjor, luftës kundër krimit të organizuar dhe korrupsionit”, shkruan Meta./Opinion.al

Pas