Drejtori i Policisë së Shtetit Haki Çako ka shkarkuar sot 11 drejtues të lartë të Policisë së Elbasanit, lidhur me ngjarjen e disa ditëve më parë, kur një automjet përplasi qëllimisht makinën e zv.drejtorit të policisë.
Por teksa ka pritur më shumë se dy javë për një masë të tillë ndëshkimore, pas akuzave të forta të opozitës dhe mediave, se krimi në Elbasan ka lidhje direkte me politikanë të majtë, çuditërisht Çako ka zgjedhur një ditë aspak të përshtatshme për një hap të tillë.
Vetëm mbrëmjen e djeshme, një aksion i ndërmarrë nga prokuroria (e cila e ka lënë mënjanë policinë duke mos e perfshire) ka kapur në Babicë të Vlorës 4 tonë drogë, ndërsa shenjestër e aksionit ka qenë Florian Habilaj, vëllai i Moisi Habilajt i ndaluar pak dite me pare ne Itali.
E ndersa Prokurori i Pergjithshem ka shkuar ne Vlore per te ndjekur ceshtjen Habilaj e cila ka implikuar edhe emrin e ish-ministrit Tahiri, Çako eshte fokusuar ne Elbasan.
A eshte kjo nje menyre per ta larguar fokusin nga droga dhe ceshtja Tahiri?
Si një strategji e njohur kohët e fundit, duket se policia qëllimisht po largon vëmendjen nga një vatër e nxehtë ngjarjesh duke çuar vëmendjen në një vatër tjetër zhvillimesh, ndoshta jo aq të rëndësishme sa e para.
Le te mos harrojme qe ne raportet e ndera mes policise dhe prokurorise, nje arsye mund te jete fakti, qe prej me shume se nje viti, Haki Cako eshte person nen hetim nga prokuroria lidhur me ceshtjen e pajisjes se pergjimit.
Në një vend ku shteti vazhdon të sfidojë veten, ku policia dhe prokuroria sillen si institucione pas asnjë lidhje e madje kundër njëri-tjetrit duket se ai që fiton është krimi. / Opinion.al
