Aktualitet

Policia ndalon tre protestues tek Unaza e Re, tension tek Drejtoria


               Publikuar në : 10:36 - 10/10/19 |
Geljano Fataj

Momente tensioni dhe përplasje kanë ndodhur përpara Drejtorisë së policisë së Tiranës. Dhjetëra banorë të Unazës së Re, mbështetur dhe nga ish-deputetë të opozitës kanë protestuar kundër ndalimit të tre banorëve, që sipas policisë kanë bllokuar rrugën.

Të ndaluarit janë Ilir Katiraj, Skender Doda dhe Gramoz Shehu. Një prej banorëve ka tentuar të thyejë derën kryesore të godinës së Policisë, por është ndaluar nga protestuesit e tjerë.

Ndërhyrja e policisë vjen pas hyrjes ne fuqi të ndryshimeve në Kodin Penal që ashpërson dënimet për ata që bllokojnë rrugët.

Sipas ndryshimeve, vënia e pengesave ose ndalimi i qarkullimit te mjeteve te transportit automobilistik, hekurudhor, dënohet me gjobë ose me burgim deri në tre vjet.

Njoftimi i Policisë

Shërbimet e Komisariatit të Policisë Nr. 6, arrestuan në flagrancë për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe Pengimi i qarkullimit të mjeteve të transportit”, shtetasit:

– S. D., 56 vjeç;
– G. Sh., 54 vjeç;
– I. K., 51 vjeç (të tre banues në rrugën “Teodor Keko” në Zonën e Unazës së Re).

Mbasditen e djeshme, këta shtetas në rrugën “Teodor Keko” në Zonën e Unazës së Re, në bashkëpunim dhe me persona të tjerë janë grumbulluar në vende të kalimit publik duke penguar qarkullimin e mjeteve të transportit rrugor.

Me ndryshimet e reja në Kodin Penal, bllokimi i qarkullimir rrugor duke cënuar të drejtat dhe liritë themelore për lëvizjen e lirë të shtetasve dhe të mjeteve të transportit, do të përballet me pasojat e shkeljes së ligjit./ Opinion.al

Pas