Kronikë

Policia kosovare dhe SPAK aksion në pikën kufitare, arrestohen zyrtarë shqiptarë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:55 - 08/04/22 |
Opi Nion

Policia e Kosovës ka informuar se janë arrestuar disa zyrtarë të policisë shqiptare dhe Kosova në pikën kufitare të Vërmicës.

Në një njoftim zyrtar, policia e Kosovës ka informuar se zyrtarët e arrestuar dyshohen se kanë kryer veprat penale “marrje e ryshfetit” dhe “keqpërdorim i pozitës apo autoritetit zyrtar”.

Mësohet se hetimi është kryer në bashkëpunim me SPAK , ndërsa mediat kosovare shkruajnë paraprakisht se në pranga kanë rënë 20 policë të Kosovës dhe 40 të policisë shqiptare.

Inspektorati Policor i Kosovës respektivisht punonjësit nga të gjitha Departamentet operative të saj në koordinim të plotë me Prokurorinë Speciale kanë filluar sot në orët e hershme të mëngjesit një operacion të gjerë në kuadër të autorizimeve dhe fushëveprimit ligjor të IPK-së.

Operacionit të sotshëm (i koduar me emrin “Pika 2”) i ka paraprirë një hetim rreth një vjeçar me dyshimin për përfshirje në aktivitete të kundërligjshme të një numri të zyrtarëve policorë lidhur me veprat penale “marrje e ryshfetit” dhe “keqpërdorim i pozitës apo autoritetit zyrtar”.

Ky hetim është duke u zhvilluar në koordinim të plotë dhe udhëheqjen nga Prokuroria Speciale të Republikës së Kosovës (PSRK) duke përfshirë edhe masa të fshehta të hetimit.

Hetimi përfshin edhe bashkëpunim me prokurorë nga SPAK-u (Struktura e Posaçme kundër korrupsionit dhe krimit të organizuar e Republikës së Shqipërisë) dhe zyrtarët e AMP-së Agjencisë për Mbikëqyrje Policore (agjencia homologe e IPK-së në Shqipëri).

IPK do të vazhdojë të mbetet e përkushtuar në ndërmarrjen e veprimeve që kanë për qëllim fuqizimin e integritetit policor”,-njofton Policia e Kosovës./Opinion.al

Pas