Arbion Aliko një prej të arrestuarve në kuadër të superaksionit të policisë në 2014-ën në Lazarat hedh akuza të rënda në drejtim të ish-ministrit të Brendshëm, Saimir Tahiri.
Në sallën e gjyqit tek Krimet e Rënda, Aliko ka shenjëstruar ish-ministrin dhe policinë se kanë nxjerrë tonelata me drogë nga Lazarati dhe e kanë shitur tek trafikantët.
“Policia e shtetit e nxori me blinda drogën nga Lazarati në 2014 dhe ua shiste trafikantëve. Këtë e bënë banditët e Saimir Tahirit. Ne na kanë sulmuar dhe nxjerrë në kërkim si fis sa erdhi në pushtet PS”,- u shpreh i riu, raporton BalkanWeb.
Aliko sëbashku me Gurgaz Skënderin, Erik Skënderin, Beqo Brahimin dhe Alfred Prokon po gjykohet nga gjykata e krimeve të rënda për disa akuza të ngritura asokohe bashkë me kreun e grupit Gate Mahumtaj. Ndërsa Gatja u dënua se pranoi gjykim të shkurtur, Aliko vazhdoi betejën në gjykim të zaknoshëm dhe pritet të jepet sot vendimi.
