PRISHTINE- Policia ka pergenjeshtruar Albin Kurtin, duke deklaruar se per lirimin e tij vendosi prokurori dhe jo presioni i aktivitësve, siç pretendon Kurti. Baki Kelani, zedhënësi i policisë së Kosovës tha se arrestimi i Kurtit ka ardhur pas urdhrit të prokurorit për ta marr në pyetje dhe po me urdhër të tij është lënë i lirë. Ndër të tjera ai tha se dëmet që janë shkaktuar nga protestuesit janë të mëdha në objektin e Policisë dhe veturat zyrtare. Nga protesta e Vetëvendosjes kanë mbetur të lënduar 15 policë dhe 1 qytetar, të cilët kanë kërkuar ndihmë mjekësorë.
Gjithashtu, ai shtoi se qytetarët nuk kanë pse të ndihen të rrezikuar nga situata pasi policia e ka situatën nën kontroll.
