Kronikë

Policia aksion në Tiranë, arrestohen tetë persona


Bëhu pjesë e Grupit Zyrtar të Opinion.al
>> KËTU <<
               Publikuar në : 13:31 - 19/08/20 |
el ida

Policia e Tiranës ka arrestuar 8 persona, pasi akuzohen për vepra të ndryshme penale.

Specialistët e Komisariatit të Policisë Nr.3, bënë ndalimin për veprën penale “Vjedhja” të shtetasit F.B., 41 vjeç, pasi dyshohet se është autorë i disa ngjarjeve si vjedhja e dy motorrave dhe një biçiklete,

41-vjeçari ka qënë i shpallur në kërkim pasi dyshohej si autor i vjedhjes së biçikletes të shtetasit A.D.

Nga specialistët e Komisariatit të Policisë Nr.6, në bashkëpunim me Forcat e Posaçme “Shqiponja” u bë ndalimi i shtetasit F.A., 47 vjeç, i cili ishte i shpallur në kërkim, pasi ishte dënuar me burg për veprat penale “Mbajtja pa leje e armëve dhe municionit”, “Kanosja” dhe “Plagosja e lehtë me dashje”, e kryer në bashkëpunim.

Nga specialistët e Komisariatit të Policisë Nr.2, u bë egzekutimi i urdhërit të prokurorit për shtetasin në kërkim E.K., 53 vjeç, sepse Gjykata e Rrethit Gjyqësor Tiranë, e ka dënuar me 9 muaj burg, për veprën penale “Mosdhënia e mjeteve për jetesë”.

Sherbimet e Komisariatit të Policisë Nr.4, bënë arrestimin në flagrancë të shtetasit Q.G., 44 vjeç, pasi në rrugën e “Dibrës”, në ambientet e një bar-kafeje, u konstatua nga punonjësit e OSHEE-së, duke rilidhur energjinë elektrike në mënyrë të paligjshme.

Po ashtu, specialistët e Qarkullimit Rrugor bënë arrestimin në flagrancë të katër shtetasve që u kapën në flagrancë duke drejtuar mjetet përkatese në gjendje të dehur./Opinion.al

Pas