Gjykata e Kavajës ka dhënë ditën e sotme masën e sigurisë “arrest me burg” për Ndriçim Jonuzi (Tahiri), i akuzuar për plagosjen e sekretarit të PD në Kavajë, Bledar Okshtunit. Ndërsa për dy të arrestuarit e tjerë Dorjan Troplini dhe Markel Shtylla, të akuzuar si bashkëpunëtor në fshehjen e ngjarjes, gjykata ka vendosur “arrest shtëpie”.
Sipas të arrestuarve, ngjarja nuk ndodhi për çështje politike, por për shkak se personi që u përfshi në konflikt u kishte zënë rrugën me makinë një nëne me shami dhe pasi ky i kishte kërkuar llogari, ishte sjellë në mënyrë arrogante.
Më pas Jonuzi shkoi brenda zyrës së Partisë Demokratike dhe qëlloi me armë në këmbë sekretarin e PD-së në Kavajë, Bledar Okshtuni.
Mësohet se gjatë seancës gjyqësore të arrestuarit u shprehën të penduar për ngjarjen e ndodhur./Opinion.al
