Mesditën e së shtunës lajmi për dorëheqjen e Ministrit të Brendshëm Saimir Tahiri ishte në fokus të gjithe mediave dhe portaleve shqiptare.
Menjëherë më pas nisën të qarkullojnë edhe emrat e mundshëm që do të zëvendësonin Tahirin, ndërsa gazetarët filluan të ngrenë pikëpyetjet e para mbi shkaqet që kishin çuar në këtë vendim të Tahirit.
Por disa orë më vonë, Saimir Tahiri vendosi të thyejë heshtjen duke hedhur poshtë lajmin për dorëheqje, përmes një statusi në FB, në të cilin shkruante:
“Per saktesim, as me ka kerkuar kush e as kam dhene doreheqje deri tani. Sidoqofte, me te forte do jemi, sot e gjithmone, bashke”.
Ky status i Tahirit ngriti ndërkohë të tjera pikëpyetje, të lidhura kryesisht me atë çfarë mund të kishte ngjarë në raportet mes Ramës dhe Tahirit, ndërkohë që në mbrëmje vonë, Saimir Tahiri u pa në zyrën e tij i shoqëruar nga ministri i jashtëm Ditmir Bushati dhe deputeti Eduard Shalsi.
Mëngjesin e së dielës, Rama mblodhi drejtuesit e fushatës elektorale të Partisë Socialiste në qarqe, ndërsa në media sërish nisën të qarkullojnë emrat e ministrave që mund te penalizoheshin pas kësaj mbledhjeje dhe që sipas gjithë gjasave do nxirrte jashtë kabintetit ministrat e angazhuar në fushatë.
Pas mbledhjes së të dielës nuk kishte më dilemma.
Bashkë më Saimir Tahirin, nga kabnineti u larguan edhe Ilir Beqja, Blendi Klosi e Bledi Çuçi. Për shumë nga analistët politikë, vendimi i Ramës për të larguar tre ministrat e tjerë, ishte thjesht justifikim për të kamufluar largimin e Tahirit, që duket se nuk ka qenë aspak konsensual, por i shoqëruar me shumë pikëpyetje.
A lidhej largimi i Saimir Tahirit me organizmin e fushatës në Tiranë, ashtu sikurse e justifikoi Rama apo ky kjo ishte një sakrificë për të shpëtuar aleancën me Metën?
Mos ndoshta largimi i Tahirit ishte një përgjigje për opozitën dhe një shenjë për qetësimin e saj, apo ndoshta një lëvizje për të fuqizuar brenda partisë “rivalin” Erion Veliaj?
A ishte kjo lëvizje e Edi Ramës një shenjë dobësie, apo një “goditje” për të shpëtuar zgjedhjet e ardhshme?
Disa nga pikëpyetjet duken të mundshme, të tjerat ka shumë pak gjasa mund të konsiderohen.
Tashmë paqartesive mbi largimin, iu shtuan aludimet për emrat e rinj që do t’i bashkoheshin kabinetit.
Edhe kjo enigmë u zgjidh, pa kaluar ende 24 orë nga largimi zyrtar i 4 ministrave. Kreu i qeverisë zgjodhi që Saimir Tahirin ta zëvendësojë me Fatmir Xhafën, në vend të Ilir Beqajt të sjellë Ogerta Manastirliun, Olta Xhaçka zëvendëson Blendi Klosin, ndërsa Eduard Shalsi zëvendëson Bledi Çuçin.
Por teksa pritet që ministrat e rinj të dekretohen nga presidenti për të nisur punën, duket se emri i Ministrit të Brendshëm ka nisur të kontestohet hapur lidhur me akvitetin e tij profesional gjatë kohës së regjimit komunist.
Nga ana tjetër me apo pa këto ndryshime në kabinet, duket se opozita është e vendosur: Të mos heqë dorë nga kërkesa për qeveri teknike, në të kundërt nuk do të ketë zgjedhje…/ Opinion.al
