Rajoni

Përplasje midis mbështetësve të qeverisë dhe opozitës në Malin e Zi


Bëhu pjesë e Grupit Zyrtar të Opinion.al
>> KËTU <<
               Publikuar në : 10:11 - 01/09/20 |
Al Do

Mbështetësit e qeverisë dhe opozitës në Malin e Zi janë përleshur mbrëmjen e së hënës në kryeqytetin e vendit gjatë festimeve të këtyre të fundit për fitoren e zgjedhjeve.

Policia reagoi, për të penguar konfrontimet e mëtejshme ndërsa në vendngjarje u panë edhe auto-ambulanca.

Policia ende nuk ka njoftuar nëse ka të lënduar.

Zgjedhjet parlamentare në Mal të Zi u mbajtën më 30 gusht dhe, sipas rezultateve paraprake, ato u fituan nga partitë opozitare, të cilat janë pro-serbe dhe pro-ruse.

Pas incidenteve, udhëheqësi i koalicionit opozitar “Për ardhmërinë e Malit të Zi”, Zdravko Krivokapiq, u bëri thirrje mbështetësve që të festojnë në shtëpi.

“Ne nuk qëndrojmë pas asnjë tubimi, nuk duam trazira, nuk duhet të irritojmë askënd. Le të qëndrojmë të qetë, le të qëndrojmë në shtëpi”, tha ai përmes një postimi në Facebook.

Partia Demokratike e Socialistëve (DPS), e cila aktualisht është në pushtet, tha se mbështetësit e opozitës, në disa qytete të Malit të Zi, kanë organizuar tubime, gjatë të cilave, “qytetarët janë provokuar në mënyrë agresive, me parulla nacionaliste”.

DPS tha se do të informojë Misionin Monitorues të OSBE-së dhe partnerët e tjerë ndërkombëtarë për incidentet.

Jashtë Podgoricës, mbështetësit e opozitës organizuan tubime edhe në qytete të tjera të Malit të Zi: Tivar, Bijello Pole, Berane dhe Danillovgrad.

Pas