Politikë

Përplasja me Qeverinë, çfarë paralajmëron Meta


               Publikuar në : 15:56 - 20/02/20 |
Opi Nion

Presidenca dhe mazhoranca vijojnë përplasjen e ashpër me njëra-tjetrën në lidhje me emërimet në Gjykatën Kushtetuese. Zëdhënësi i Presidencës, Tedi Blushi ka njoftuar se Presidenti Ilir Meta do të zhvilloi sot në orën 17:00 një konferencë për mediat.

Sipas tij, qytetarët do të njihen me fakte të reja tronditëse që dëshmojnë se si po realizohet grushti i shtetit. Po ashtu, Blushi ka ironizuar edhe mediat, që sipas tij janë pranë mazhorancës duke thënë se publikojnë shkrime jo të vërteta dhe të porositura.

“Të dashur gazetarë! Së pari më lejoni të shpreh një falenderim të veçantë për të gjitha portalet e Rilindjes, për imagjinatën dhe akuzat e shfrenuara, teoritë konspirative, shkrimet e porositura, dhe memet e jashtëzakonshme, që gjithmonë do gëzojnë simpatinë tonë për dozat e forta të humorit e haresë që shkaktojnë.  Këto ditët e fundit keni qenë të paparë dhe faleminderit se na keni zgjatur jetën!   Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta! Së dyti, i ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta! Fakte të reja tronditëse që dëshmojnë se si po realizohet grushti i shtetit! NUK KENI PARË GJË AKOMA! ME QETËSI DHE DREJTËSI!”-shkruan Blushi.

Meta ka akuzuar parlamentin se ka mashtruar, siç u shpreh, kur ka deklaruar se ka marrë opinionet e një numri institucionesh dhe organizatash për ndryshimet ligjore për procedurën e betimit të anëtarëve të Gjykatës Kushtetuese

Po ashtu ditën e djeshme Meta ka lexuar përgjigjet e institucioneve të cilat mohonin të kishin dhënë një opinion për këtë çështje apo kishin patur një mendim kundër ndryshimeve të propozuara. Sipas asaj që u miratua javën e shkuar në parlament, anëtari i Gjykatës Kushtetuese, mund ta bëjë betimin dhe me shkrim, nëse presidenti nuk organizon ceremoninë brenda 10 ditësh, ndonëse në Kushtetutë, kjo njihet si e drejtë eskluzive e Kreut të Shtetit.

Ndërhyrja ligjore e shumicës u bë në një kohë që ajo vetë kishte kërkuar ndër të tjera dhe për këtë çështje opinionin e Komisionit të Venecias, I cili javën e shkuar dërgoi në Tiranë dhe një mision të ekspertëve të vet.

Presidenti foli për një grusht shteti nga ana e mazhorancës të cilin ai paralajmëroi se do ta ç’montojë. Kreu i Shtetit ka njoftuar se më 2 Mars, do të lidhë besën me popullin shqiptar, duke firmosur në prani të tij, siç u shpreh, dekretin e parë për shpartallimin e grushtit të shtetit dhe për t’ja rikthyer institucionet popullit./ Opinion.al

Pas