Aktualitet

“Përmbytjet s’erdhën nga e zoti, por nga dora e robit”, Spiropali i përgjigjet Berishës



Bëhu pjesë e Grupit Zyrtar të Opinion.al
>> KËTU <<
               Publikuar në : 16:52 - 21/11/22 |
Opi Nion

Pavarësisht ndryshimit të roleve politike mes opozitës dhe mazhorancës, qytetarët e Shkodrës vijojnë të vuajnë pasojat e përmbytjeve.

Gjatë ditës së sotme, kryetari i PD, Sali Berisha ka akuzuar qeverinë “Rama” se është përgjegjëse për përmbytjet, ndërsa nuk harroi ta akuzonte dhe për korrupsion.

Këtyre akuzave iu është përgjigjur ministrja e Shtetit, Elisa Spiropali, e cila shprehet se situata të tilla duhet të bashkojë dhe jo të ndaj, pasi qytetarët kanë më shumë se kurrë nevojë për ndihmë.

Spiropali, tha se ata që nuk munden të pastrojnë as pusetat e Bashkisë së Shkodrës, nuk mund të japin dot mend për menaxhimin e kaskadave.

“Akuzat e opozitës, nuk kanë ndalur për asnjë minutë. Në vend që të bashkëpunojnë, presin dhe trumbetojnë lidershipin nga Tirana. Ata që nuk mund të pastrojnë, pusetat e bashkisë së Shkodrës, nuk mund të japin dot mend për menaxhimin e kaskadave. Në një moment të dytë do të bëjmë një analizë të dëmit. Akoma nuk është kaluar faza e emergjencës. Nuk mund të bëjmë parashikime sot. Deri në ditën e fundit të kësaj situate të gjitha institucionet do të jenë në këmbë, në koordinim me prefekturën e Shkodrës. Askush të mos e ndal punën, të jemi afër qytetarëve. Parashikime të tilla vijnë për ata që përdorin emergjencat dhe fatkeqësitë natyrore për çështje politike.” tha Spiropali./ Opinion.al

Pas