Aktualitet

Përjashtohet nga Policia e Shtetit efektivi i Rrugores, ja arsyeja



Bëhu pjesë e Grupit Zyrtar të Opinion.al
>> KËTU <<
               Publikuar në : 10:13 - 22/10/22 |
Opi Nion

Një efektiv i Policisë Rrugore në Pogradec është përjashtuar nga radhët e policisë. Në një njoftim zyrtar Drejtoria Rajonale e Agjencisë Mbikëqyrjes Policore Korçë, bën me dije se vendimi është marrë nga Drejtori i Përgjithshëm i Policisë së Shtetit, Muhamet Rrumbullaku, i cili  ka urdhëruar përjashtimin e menjëhershëm nga Policia e Shtetit, të punonjësit me inicialet A. S.

Shkak është bërë tejkalimi i kompetencave të tij ndaj drejtuesit të një automjeti, të cilin e kishte ndaluar për përdorim celulari dhe mosvendosje të rripit të sigurimit gjatë drejtimit të mjetit.

Por mes punonjësit të rrugores A.S. dhe shoferit N.H. ka patur debate. Në një video amatore të publikuar në rrjetet sociale, polici i rrugores ishte filmuar duke debatuar dhe goditur shoferin. I pranishëm në vendin e ngjarjes ka qenë edhe një efektiv tjetër me inicialet L. H.

Për punonjësin e policisë N.H. ka nisur edhe hetimi penal.   Gjithashtu, është vendosur transferimi në një strukturë tjetër policore, për policin tjetër të rrugores, L. H., i cili nuk ka ndërhyrë për të parandaluar veprimin e paligjshëm të kolegut të tij.

Materialet proceduriale u referuan në Prokurorinë pranë Gjykatës së Shkallës së Parë Pogradec.

Pas