Aktualitet

Përfundon numërimi i 1695 kutive, PS kryeson në 9 qarqe në rang kombëtar


Bëhu pjesë e Grupit Zyrtar të Opinion.al
>> KËTU <<
               Publikuar në : 10:50 - 26/04/21 |
Opi Nion

Procesi i numërimit të votave po vijon në të gjithë vendin. Deri në këto momente, janë numëruar 1695 kuti nga 5199, ku vihet re se Partia Socialiste kryeson me 234.530 vota dhe ndiqet nga Partia Demokratike me 183.427 vota dhe LSI me 33 674 vota.

Në përqindje rezultatet e deri tanishme tregojnë se Partia Socialiste është në avantazh me 49.51 % e ndjekur nga Partia Demokratike 38.72 %. Pra, sipas të dhënave të KQZ, PS kryeson në 9 qarqe, në Tiranë, Durrës, Elbasan, Korçë, Berat, Fier, Vlorë, Gjirokastër dhe Dibër, ndërsa PD ruan bastionet e saj në Shkodër, Kukës dhe Lezhë.

Ndërkohë mundësi për të marrë mandate ka edhe PSD, e cila ndodhet në vendin e katërt me 9290 vota.

Sot, KQZ shpalli edhe rezultatin e parë të zgjedhjeve në njësinë 10, ku u aplikua votimi dhe numërimi elektronik. Në këtë njësi PS doli fituese me 6007 vota, ndjekur nga PD me 4550 dhe më pas LSI me 628, ndërsa PSD ka marrë 208 vota./Opinion.al

Pas