Kryesore

Përballje publike me rivalin? Veliaj: Patjetër, për çdo parti që njihet nga gjykata



Bëhu pjesë e Grupit Zyrtar të Opinion.al
>> KËTU <<
               Publikuar në : 15:03 - 25/01/23 |
Opi Nion

Kryetari i Bashkisë së Tiranës, Erion Veliaj, ka përjashtuar mundësinë e një debati publik me kandidatin e Partisë Demokratike Belind Këlliçi.

Gjatë një interviste në Abc neës, ai tha se do të ishte i lumtur lumtur që të debatonte mbi mënyrat sesi qyteti mund të shkojë përpara, por për çdo parti që zyrtarisht njihet nga gjykatat. Veliaj shtoi se Partia Socialiste po kryen sondazhe në të gjithë territorin e qarkut të Tiranës, për të marrë opinionin e komunitetit. Sipas tij, sondazhet janë mënyra më e mirë jo vetëm për të konfirmuar reputacionin që ka secili prej kryetarëve, por për të parë nëse ka edhe persona të tjerë me më shumë reputacion.

“Ata nuk ofrojnë asnjë të ardhme në lidhje me Perëndimin, me botën ku duam të integrohemi, përkundrazi, përfaqësojnë interesat më të errëta të atyre që shkatërruan Tiranën dhe Shqipërinë, ndaj nuk mund të jenë pjesë e lojës demokratike, për sa kohë që janë përjashtuar nga udhëtimet, për sa kohë që janë përjashtuar nga përfaqësimi, për sa kohë që u është mbyllur dera e civilizimit perëndimor. Alternativa e tyre është që ta kthejnë Shqipërinë pas, ndërkohë që unë besoj se alternativa, ose dëshira dhe ambicia e shumicës së qytetarëve të Shqipërisë, është që Shqipëria të mos shkojë mbrapa, por të shkojë përpara, mos të shkojë nga Lindja, por nga Perëndimi. Për çdo parti që zyrtarisht njihet nga gjykatat, që zyrtarisht ka mbështetje të jetës pluraliste që nuk është “non grata” nga SHBA-të dhe Britania e Madhe dhe që është e gjithëpranuar si një alternativë, patjetër që do isha shumë i lumtur që të debatonim mbi mënyrat sesi qyteti mund të shkojë përpara”, tha Veliaj./Opinion.al

Pas