Aktualitet

Për herë të parë në Shqipëri do të hapet “MGallery boutique hotel”


Bëhu pjesë e Grupit Zyrtar të Opinion.al
>> KËTU <<
               Publikuar në : 19:37 - 09/03/21 |
Opi Nion

I pari “MGallery boutique hotel” vjen në Shqipëri . Është fjala për një bashkëpunim mes Accor, një prej emrave dhe rrjeteve kryesorë të hotelerisë në botë dhe Green Coast Hotel Sh.p.k.
Hoteli me 112 dhoma i vendosur në Palasë, Vlorë do të mirëpresë vizitorët e parë në Prill 2024 dhe pritet të shënojë një moment të rëndësishëm për industrinë shqiptare të turizmit.
Bare dhe restorante, SPA dhe plazhi privat do të krijojnë një destinacion premium ekskluziv për të gjithë vizitorët.

“Shqipëria është një perlë e fshehur në rajonin e Ballkanit me destinacione mahnitëse, piktoreske, një vend vërtet magjepsës. Prandaj ne jemi të lumtur të sjellim markën Accor në vend, duke dëshiruar që më shumë turistë të mund të zbulojnë bukuritë e Shqipërisë. Koleksioni MGallery Boutique është një pikë kyçe për prezantimin e kulturës, traditës dhe historisë lokale në një ambient luksoz. Ne besojmë se hoteli i parë i MGallery në Shqipëri do të fitojë zemrat e vizitorëve të tij falë atmosferës dhe vendndodhjes, çka e bëjnë një vend ideal për pushime – thotë Dilek Sezer, Drejtoree Zhvillimit, Açor – Evropa Juglindore.
Njoftohet se për konceptimin e hotelit është përzgjedhur një studio arkitekturore prestigjioze nga Belgjika dhe punimet priten të fillojnë në gjatë tremujorit të fundit të vitit 2021.

Green Coast MGallery do të ofrojë hapësira të shumëllojshme për vizitorët, siç janë restoranti, lobby me pamje ekskluzive të natyrës përreth, salloni i klubit ekzekutiv, klubi VIP, salla banketesh e konferencash, pishinë si edhe hapësirë të dedikuar në zonën e plazhit.

“Kjo marrëveshje parashikon një hap të madh përpara për industrinë e turizmit në vendin tonë. Më në fund, ne po garojmë si një destinacion premium në Mesdhe përmes Green Coast Resort & Residences që tashmë kompletohet me një gur të çmuar si Mgallery Hotel. Ne, si pjesë e Grupit BALFIN, jemi krenarë për përpjekjet dhe kontributin tonë në zhvillimin e industrisë së turizmit dhe ekonomisë së vendit – thotë Ardiana Sokoli, Zëvendës Presidente për Real Estate, BALFIN Group./Opinion.al

Pas