-U tha në Opinion

Pecnikaj: Vdiqën 12 persona tek “Shefqet Ndroqi”, u raportuan vetëm 5


Bëhu pjesë e Grupit Zyrtar të Opinion.al
>> KËTU <<
               Publikuar në : 22:48 - 17/11/20 |
el ida

Ilir Pecnikaj nga Departamenti i Shëndetësisë në Partinë Demokratike tha në emisionin “Opinion” se shifrat e viktimave nga Covid 19 në Shqipëri nuk janë raportuar me saktësi.

Pecnikaj tha se Shqipëria nuk raporton tek vdekjet personat që humbasin jetë pasi janë negativizuar, personat që dalin pozitiv pas vdekjes dhe ata që ndërrojnë jetë jashtë vendit.

Pecnikaj: Shifrat janë të gjitha jo të  vlefshme dhe të manipuluara. Sot unë ju them me bindje të plotë…

Fevziu: Keni fakte?

Pecnikaj: Kam faktin, që në datën 12 ose 13 nëntor, vetëm në spitalin “Shefqet Ndroqi” kanë vdekur 12 persona.

Fevziu: Vetëm nga Covid?

Pecnikaj: Le të më thotë nëse dikush shkon në spitalin “Shefqet Ndroqi”, njeri për arsye të tjera? Dhe të nesërmen në të gjithë Shqipërinë janë raportuar se kanë vdekur vetëm 5 persona.

Personat me tampon negativë nuk hyjnë në listën Covid, ata që vdesin jashtë vendit nuk hyjnë në këtë listë, personat që tamponi pozitiv ju ka dalë post mortum, nuk hyjnë në këtë listë. Ka një dredhi këtu. Testi ka fallco pozitivitetin, por sa më shumë larg në kohë të bëhet, aq më e vështirë është të kapet .

Por drejtori i Urgjencës Kombëtare Skënder Brataj e ka kundërshtuar shifrën e përmendur nga zoti Pecnikaj, ndërsa tha: Më sill emrat e të vdekurve dhe të them unë nga se kam vdekur. T’ju vijë zor nga çfarë nxorët deri tani. Më thuaj një shtet në të gjithë botën që është menaxhuar mirë./Opinion.al

Pas