Kryesore

PD: Rama ka fshehur arrestimin në formularin e dekriminalizimit


Bëhu pjesë e Grupit Zyrtar të Opinion.al
>> KËTU <<
               Publikuar në : 11:20 - 02/04/20 |
Al Do

Partia Demokratike ka kërkuar nga kryeministri Rama të sqarojë deklaratën e tij për një media italiane ku ai ka thënë se është arrestuar njëherë në Bolonja të Italisë.

Ish-deputeti Oerd Bylykbashi shkruan se nëse kjo gjë është e vërtetë dhe Rama nuk e ka deklaruar në formularin e dekriminalizimit, atëherë “ai humbet te gjitha funksionet publike, si deputet edhe si kryeminister”.

“Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie”, shton Bylykbashi.

Ish-deputeti demokrat kujton se për të njejtat arsye kanë humbur mandatin dy deputetë. Konkretisht bëhet fjalë për ish-deputetët Aqif Rakipi dhe Gledian Rahovica.

“Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia”, shkrun Bylykbashi.

Reagimi i Oerd Bylykbashit

Ne mes te hallit qe ka zene te gjithe, kur njerezit jane mbyllur ne shtepi dhe shpesh nuk kane mundesi te sigurojne buken e femijeve, apo biznesi u eshte mbyllur, Rama deklaroi ne median italiane se vite me pare eshte arrestuar ne Bolonja sepse kishte kundershtuar nje punonjes policie.

‎Ka nje problem te madh me kete deklarim: eshte arrestuar nga policia. Kryeministri NUK e ka deklaruar kete arrestim ne formularin e Dekriminalizimit! Ne rast mosdeklarimi ligji dikton se ai humbet te gjitha funksionet publike. Edhe si deputet edhe si kryeminister! Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie.

Sa per t’ia kulluar mendimet Kryeministrit, dy deputete jane larguar nga parlamenti per kaq gje. Thjesht sepse nuk deklaruan arrestin.

Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia. /Opinion.al

Pas