Kryesore

PD: Plani i Edi Ramës për të manipuluar zgjedhjet ka 5 drejtime kryesore


Bëhu pjesë e Grupit Zyrtar të Opinion.al
>> KËTU <<
               Publikuar në : 12:12 - 30/09/20 |
Al Do

Partia Demokratike ka akuzuar kryeministrin Edi Rama se ka shtuar përpjekjet për të manipuluar vullnetin e qytetarëve.

Ish-deputeti i PD, Enkelejd Alibeaj tha se qeveria po i ndryshon vendbanimin e qytetarëve pa kërkesën e tyre duke i penguar kështu që të votojnë.

Ai iu referua gjetjeve të një emisioni investigativ që sipas tij “ka sjellë prova të pakundërshtueshme” mbi këtë fakt.

Kjo është një shkelje e hapur e ligjit për gjendjen civile, është shkelje e hapur e Kushtetutës dhe e të drjetës për të votuar. Përgjegjës direkt për veprime konkrete janë Ministri i Brendshëm, Sandër Lleshaj, Drejtori i Përgjithshëm i Gjendjes Civile, Bledar Doracaj dhe çdo nëpunës që ata kanë urdhëruar të shkelin ligjin dhe të përfshihen në këtë operacion manipulimi. Familje të tëra, të cilat për shumë vjet kanë qenë të regjistruar në një vend të caktuar, zhvendosen në njësi administrative të tjera apo, siç tregojnë dëshmitë, deri edhe në qytete të tjera. Madje pjesëtarë të së njëjtës familje, të të njëtit trung familjar, shperndahen duke i vendosur në qytete të ndryshme, të largëta nga njëri – tjetri, pa kurrëfarë shkaku apo arsye.”, deklaroi Alibeaj.

Zhvendosja masive e gjendjes civile, shpërndarja e anëtarëve të të njëjtës familje në zyra të gjendjes civile të qyteteve të ndryshme, është një makinacion për t’u pamundësuar këtyre qytetarëve të ushtrojnë të drejtën e tyre për të votuar në zgjedhjet e 25 prillit. Duke marrë për bazë listat e atyre qe votuan në 2019-ën, manipulimi i Edi Ramës dhe Sandër Lleshajt synon që ata qytetarë që nuk votuan në 2019-ën dhe refuzuan farsën e 2019-ës, të dekurajohen, t’u vështirësohet e derisa t’ju pamundësohet e drejta e votimit në zgjedhjet e afërta.”shtoi ai .

Alibeaj listoi gjithashtu 5 pika sipas të cilave kryeministri Rama po përpiqej të ndryshojë fitoren e PD në zgjedhjet e 25 prillit

Po ndryshon në mënyrë të njënashme rregullat e garës elektorale, duke ndryshuar Kushtetutën dhe Kodin Zgjedhor. Shpërndau formularët tek administrata për t’u marrë kujt të mundet kartat e identitetit. Po manipulon listat e votuesve, duke zhvendosur qytetarët në mënyrë arbitrate, pa kërkesën e tyre. Po merr në punë mijëra perosna me kontratë të përkohshme. Po kërkon ndihmën e bandave dhe trafikantëve të drogës.”, tha Alibeaj duke paralajmëruar se “Partia Demokratike, do të paraqesë kallëzim penal, për të gjithë zyrtarët e përfshirë në këtë skemë manipulimi masiv, me zhvendosjen e gjendjes civile, duke filluar që nga ministri Lleshaj, Drejtori i Përgjithshëm i Gjendjes Civile, drejtues të pushtetit vendor e me radhë.”. /Opinion.al

Pas