Shefi i Organizimit të Partisë Demokratike, Klevis Balliu, ka publikuar dokumente të tjera lidhur me të ashtëquajturën afera e inceneratorëve.
Përmes një postimi në “Facebook”, Balliu teksa publikon dokumentet akuzon qeverinë se paratë që Bashkimi Europian i ka dhuruar si fonde për të ndihmuar bujqësinë në vend, kanë shkuar për kompanitë e inceneratorëve.
“SKANDAL: INCENERATORI I VELIAJT VJEDH FONDET E BE PËR BUJQËSINË, JA DOKUMENTAT
Ndërkohë që bujqësia është në krizë, çka ka sjellë dhe rritjen e çmimeve të ushqimeve për qytetarët, duke ulur kështu edhe konsumin dhe duke rrezikur me mijëra biznese në këtë sektor për tu falimentuar, paratë të cilat BE akordon në ndihmë të sektorit të bujqësisë i kalojnë inceneratorëve”-shkruan Balliu.
Shpjegimi i fakteve sipas Balliut;
Inceneratori i Veliajt vjedh fondet IPARD të BE.
Personi fizik E.B administrator ME TË DREJTË FIRME tek INTEGRATED ENERGY BV SPV që ka marrë me koncesion INCENERATORIN E TIRANËS.
E.B ka blerë një tokë nga INTEGRATED ENERGY BV SPV.
Më pas E.B kontakton kompaninë CONSULTTING SE PARTNERS TË STELLA GUGALLIAS, që kjo të bëjë gati dokumentat për aplikim në AZHBR për përfitimin e fondeve IPARD.
Fondet IPARD janë GRANDE TË PAKTHYESHME TË BE QË MBËSHTESIN BUJQËSINË NË SHQIPËRI.
Pasi aplikon me ndihmën e kompanisë GUGALLES që është shpallur në KËRKIM NGA SPAK PËR INCENERATORËT, AZHBR i akordon fondet e BE, fonde me mbështetje maksimale 310 mijë euro.
E.B përfaqësues me të drejta të plota dhe me të drejtë firme i kompanisë së inceneratorëve.
Fondet IPARD janë për bujqësinë, për fermerët që janë në ditët e tyre më të vështira, dhe ndihma e BE ndaj këtij sektori përpihet nga inceneratori i Veliajt.
