Partia Demokratike ka mbledhur Këshillin Kombëtar këtë të premte ku në fokus të diskutimeve do të jetë analiza për zgjedhjet e 14 Majit.
Ish-kryeministri Sali Berisha gjatë fjalës së tij tha se PD hyn në një nga periudhat më jetike, më të vështira, por edhe më vendimtare për rolin e kësaj partie.
Ai theksoi se PD-ja ka hartuar një raport me 600 faqe që do të publikohet në dy vëllime për zgjedhjet e 14 Majit. Për Berishën, zgjedhjet ishin farsa më e shëmtuar elektorale në historinë e pluralizmit shqiptar.
Ndër të tjera, Berisha thotë se Edi Rama shkelmoi kriteret dhe parimet kushtetuese, ato të Kartës së Kopenhagenit, konventës europiane të të drejtave të njeriut dhe Kushtetutës së vendit
“Është nisur me pjesë dhe kapituj në qendrat e specializuara të zgjedhjeve të lira dhe do të paraqitet, do të shpërndahet kudo në botë si dëshmi se zgjedhjet e 14 Majit ishin farsa më e shëmtuar elektorale në historinë e pluralizmit shqiptar. Ato ishin zgjedhjet e para ku për herë të parë armiku i egër i votës së lirë të shqiptarëve, për herë të parë në 32 vite shpalli publikisht kinezëri Kodin Zgjedhor, asgjesoi çdo mbrojtje dhe garanci ligjore që ky kod u garanton pjesëmarrësve në garën elektorale. Së bashku me Kodin Zgjedhor, Edi Rama shkelmoi kriteret dhe parimet kushtetuese, ato të Kartës së Kopenhagenit, konventës europiane të të drejtave të njeriut dhe Kushtetutës së vendit.
Raporti është 600 faqe. Është nisur në qendrat e specializuara që merren me zgjedhje të lira dhe do shpërndahet kudo në botë si dëshmi se zgjedhjet e 14 majit ishin farsa më e shëmtuar elektorale në historinë e pluralizmit shqiptar. Ato ishin zgjedhjet e para në të cilat për herë të para armiku i votës së shqiptarëve shpalli kinezëri kodin zgjedhor, asgjësoi cdo mbrojtje dhe garanci ligjore që ky kod u garanton pjesëmarrësve në garën elektorale, së bashkiu me Kodin Zgjedhor Rama shkelmoi parimet kushtetuese, ato të kartës së Kopenhagënit, të Kodit të Venecias dhe kushtetutës së vendit”, tha Berisha.
