Aktualitet

PD: KE rrëzoi ligjin “Rama-Fusha” për shkatërrimin e Teatrit


Bëhu pjesë e Grupit Zyrtar të Opinion.al
>> KËTU <<
               Publikuar në : 15:07 - 10/09/18 |
b.f

Një letër e dalë sot nga zyrat e qeverisë ka futur sërish në sherr politikën për teatrin kombëtar. Bëhet fjalë për letrën dërguar sekretarit të përgjithëm të Këshillit të Ministrave, Engjëll Agaçi nga kreu i seksionit të Shqipërisë dhe Bosnje Hercegovinës në Drejtorinë e Zgjerimit të Komisionit Europian, Michaela Matuella. Në letër thuhet se : “Komisioni mirëpret angazhimin e autoriteteve shqiptare për ta amenduar Ligjin Special me qëllimin futjen e një thirrje për tender të hapur për zbatimin e projektit të zhvillimit të Teatrit Kombëtar, ku çdo kompani private mund të aplikojë me një projekt-propozim”.

Pra kuptohet se nga korrespondeca mes tyre, qeveria ka rënë dakord për të bërë ndryshime në ligjin për shembjen e teatrit kombetar. Konkretisht, KE kërkon që gara të jetë e hapur për të gjitha kompanitë.
Për këtë letër reagoi Partia Demokratike, e cila deklaron se “Komisioni Europian ka rrëzuar zyrtarisht ligjin Special “Rama Fusha” për shkatërrimin e Teatrit Kombëtar dhe ndërtimin e kullave me paratë e drogës dhe korrupsionit, si një ligj korruptiv dhe kientelist”.

Në një deklaratë për mediat, Jorida Tabaku deklaroi se “Qeveria e mbajti të fshehur për 4 ditë letrën e Komisionit Europian me qëllim manipulimin e opinionit publik, por përgjigja e Brukselit është e qartë: Qeveria ka shkelur ligjin! Përgjigja e Komisionit Europian qartësisht i jep të drejtë opozitës për shqetësimet kryesore.

Patëm të drejtë kur u shprehëm se ligji shkel parimin e konkurencës.
Patëm të drejtë edhe kur akuzuam qeverinë se kishte një paracaktim dhe klient preferencial, si “Fusha shpk”.

Prandaj dhe qeveria shpiku ligjin “FUSHA: për t’i grabitur tokën Teatrit Kombëtar dhe për t’ia dhuruar atë kësaj kompanie me qëllim ndërtimin e kullave me paratë e pista të drogës dhe korrupsionit.

Siç edhe vërehet në letrën që erdhi si përgjigje e këmbënguljes së opozitës, qeveria dhe bashkia kanë shkelur me dy këmbë procedurat e prokurimit të hapur, duke mos mohuar për asnjë moment ndihmën e qeverisë për kompaninë “Fusha”, nëpërmjet dhurimit të tokës publike.

Por, sikundër edhe letra artikulon qartësisht, Komisioni Europian nuk mund të jetë një institucion gjykues për saktësinë e ligjit në fjalë në raport me Kushtetutën e vendit.

Për një veprim të tillë është përgjegjëse Gjykata Kushtetuese, e cila mbahet sot e bllokuar nga mazhoranca pikërisht për të prodhuar ligje si Ligji Fusha dhe për të kënaqur orekset e oligarkëve apo pastruar paratë e kriminelëve dhe pushtetarëve.

Partia Demokratike zotohet se do të luftojë deri në sekondën e fundit për ta rrëzuar një herë e mirë ligjin dhe megafaerën korruptive kriminale të grabitjes dhe shkatërrimit të Teatrit Kombëtar për të pastruar paratë e pista të drogës”.

Pas