Në orët e para të mëngjesit territori i Shqipërisë do të mbizotërohen nga vranësira dhe reshje të dendura shiu në bregdet dhe zonat e ulëta por reshje dëbore priten në të gjithë zonën malore, më të dukshme në zonat verilindore.
Orët vijuese sjellin ndërprerje të reshjeve si edhe përmirësim të kushteve atmosferike në të gjithë vendin ku kthjellimet do të jene prezente.
Sipas MeteoAlb, temperaturat e ajrit do të pësojnë sërish rënie në mëngjes dhe mesdite duke luhatur vlerat ditore nga -2°C deri në 13°C.
Era do të fryjë mesatare deri e forte me shpejtësi 60 km/h nga drejtimi verior-verilindor, për pasojë në brigjet detare do të krijohet dallgëzim 5 ballë./Opinion.al
