Aktualitet

Pas Vlorës, arrestohen edhe 2 gra në Fier për kultivim kanabisi


Bëhu pjesë e Grupit Zyrtar të Opinion.al
>> KËTU <<
               Publikuar në : 10:31 - 13/10/20 |
Al Do

Rreth 100 kilogramë kanabis janë sekuestruar nga policia gjatë një operacioni anti-drogë në Fier ndërkohë që në pranga kanë rënë 4 persona.

Sipas informacioneve zyrtare nga policia, mësohet se është vënë në pranga organizatori i kultivimit të kanabisit, 57-vjeçari Renato Bego. Por ajo që bie në sy është se ndër tre të arrestuarit e tjerë, dy janë gra. Ndalimi i tyre vjen pas njoftimin për arrestimin e 4 grave të tjera në Vlorë për kultivim kanabisi.

Policia arrestoi këta katër persona gjatë kontrollit të ushtruar në banesën e Renato Begos.

Gjatë kontrollit të kryer në banesë, shërbimet e  Policisë gjetën  dhe sekuestruan në cilësinë e provës materiale 100 kg lëndë narkotike të dyshuar cannabis sativa në proces tharjeje, 1 automatik me 2 krehra dhe 310 fishekë, 2 freskuese që shërbenin për tharjen e bimëve narkotike, 1 pres metalike që shërbente për presimin dhe paketim e lëndës narkotike, 7 palë gërshërë, 1 motoçikletë me targa të falsifikuara e trafikuar nga jashtë vendit, 4 aparate celularë, si dhe disa bimë të dyshuara narkotike të kultivuara në ambientin përreth banesës së 57-vjeçarit.

Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e lëndëve narkotike”, “Kultivimi i bimëve narkotike”, “Mbajtja pa leje e armëve dhe e municionit luftarak” dhe “Trafikimi i mjeteve motorike”./ Opinion.al

Pas