Aktualitet

Përplasje në Uzinën e Ballshit, gratë e naftëtarëve: Nesër hyjmë në grevë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:50 - 13/10/20 |
Al Do

Greva e urisë së naftëtarëve në Ballsh ka hyrë sot në ditën e 16, ndërkohë një tjetër paralajmërohet të nisë.

Siç ishte thënë edhe më parë, naftëtarët kanë marshuar sot drejt Uzinës ku janë përplasur edhe me focat e sigurisë që ruajnë objektin.

Grevistët vijojnë të jenë të ngujuar ndërsa naftëtarët që nuk janë futur në grevë kanë protestuar dhe kanë tentuar të futen në ambientet e Uzinës, ku pretendojnë se nuk ndodhet asnjë njeri përveç rojeve të sigurisë.

Naftëtarët thanë se do të marrin librezat e punës.

Duan të na zvarrisin deri sa të dorëzohemi. Asnjë reagim nga shteti nuk mbajmë mend ditët. Duam librezat, kryeministri të mos flasë nga studiot. Opozita të mos rrijë në hije, e falënderojmë që ka ardhur këtu por duhet të vazhdojë që të ngrejë zërin”, tha njëri prej tyre.

Në mbështetje të tyre është vënë edhe Sindikata e Fermerëve të Bashkuar të Shqipërisë.

Kreu i Shoqatës së Fermerëve Eduart Sharka tha se janë në mbrojtje të naftëtarëve dhe se edhe fermerët kanë të njëjtat problematika me ta.

Ndërkaq në protestën e sotme ishin të pranishme edhe gra të naftëtarëve të cilat thanë se nëse vijon të mos ketë përgjigje nga autoritetet, ato do të hynë nesër në grevë urie bashkë me burrat. /Opinion.al

Pas