Kryetarët e degëve ashtu si edhe në mbledhjen e kaluar, vijojnë të mbështesin Lulzim Bashën, pavarësisht se pjesa më e madhe e deputetëve kanë kërkuar largimin e tij si kryetar i PD.
Duket se edhe në këtë mbledhje, ashtu si e para ku ishin udhëzuar të sulmonin deputetët, kryetarët flasin për bashkimin e partisë, por duke vënë si kusht largimin e Berishës, pavarësisht faktit se ky i fundit shënoi në fakt rezultat më të lartë se PD zyrtare në zgjedhjet e 6 Marsit.
Diskutimet
Arif Rexhmata, kryetar i PD Kukës:
Gjithë grupet përfituese të pushtetit janë bashkuar, duke shpifur për ju kryetar, duke ju ngarkuar nje barre qe s’e keni. Ne i njohim te gjithe. Ne nuk kemi pune me dorëheqjen tuaj, ajo eshte zgjidhja juaj. Mendoj se zgjidhje mund të jete duke mbledhur forumet, ndoshta duke pranuar dhe fraksionet. Fraksionet nga eksperienca edhe bashkojnë.
Lefter Gështenja, kryetar dega 7 Tiranë:
Rrugët e bashkimit: një hap pas të dy Basha dhe Berisha, qetësohet situata dhe të ketë një armëpushim. Dhe pastaj një platformë për të çuar në zgjidhje. Ne duhet të gjejmë një zgjidhje. Kemi një problem dhe duhet të gjejmë zgjidhje. Të gjithë bashkë të ringrejmë PD dhe të ecim para. Duhet të bashkohemi.
Sekretari i degës Vlorë, Gjergji Nika:
Asgjë nuk ndodhi nga 25 prilli ne 6 mars, kishim vetem nje barrë të brendshme. Ne jemi ndare ne 3 fraksione; ne, ata të Berishes dhe pjesa e heshtur. Ne duhet te fokusohemi njeherë te kjo pjesa e heshtur, pastaj te bashkimi me foltoren. Nuk jam dakord për doreheqjen tuaj, Partia nuk eshte gati për zgjedhje. Zgjidhja duhet të vinte nga ju në formë kompromisi, por duke mos bërë një hap pas. Nuk mund të kthehemi pas. Kompromis, por pa dorëheqjen tuaj.
Bujar Vreto kryetar i Librazhdit :
Duhet te bejme nje platforme perbashkuese, duke u distancuar nga hajdutet e periudhes 2005-2013. Mblidhni Këshillin Kombetar, ndoshta edhe kuvendin ne prill, por nuk e gjykoj te arsyeshme doreheqjen ne kete moment. Ne na duhet zgjidhje jo thellim i krizës.
Kujtojmë se në shumë nga degët, kryetarët e zgjedhur janë tërhequr ose bashkuar me foltoren dhe kryetarët aktualë janë të caktuar./Opinion.al
