Kryeministri Edi Rama është takuar mbrëmjen e sotme me Presidentin serb, Aleksandër Vuçiç, kryeministrin e Malit të Zi, Zdravko Krivokapić dhe zëvendëskryemnistrin e Maqedonisë së Veriut, Nikolla Dimitrov. Rama ndodhet në Beograd në kudër të takimeve për nismën “Ballkani i Hapur”, ku dhe ka shijuar nga kulla pamjen e kryeqytetit serb.
Sipas axhendës, të enjten do të ketë takime të Ramës, Vuçiç dhe Dimitrov me përfaqësues të biznesit, më pas me përfaqësues të Këshillit Atlantik dhe në fund zyrtarët e lartë do të kenë edhe një konferencë të përbashkët për shtyp.
“Ballkani i Hapur” është mbështetur nga Rama, Vuçiç dhe Zaev, por pas dorëheqjes së këtij të fundit nuk dihet se çfarë fati do ketë pasi opozita në Maqedoninë e Veriut e ka kundërshtuar./ Opinion.al
