Sport

Pas Milan-Lazio, Igli Tare shpërthen ndaj arbitrit: Vdekje e paralajmëruar


               Publikuar në : 18:24 - 14/04/19 |
el ida

Drejtori sportiv i Lazios, Igli Tare akuzon gjyqtarin pas humbjes së Lazios në fushën e Milanit.

“Kjo ishte histori e një vdekjeje të paralajmëruar, pikërisht, gjëja që i trembeshim përpara ndeshjes. Na vjen keq që humbëm një ndeshje që e luajtëm shumë mirë, sidomos në pjesën e parë. Shpresonim që ndeshja të vendosej në fushë, por ishim viktimë e VAR-it dhe e gjykimit. Penalltia e Milanit edhe jepej, por gjithashtu ishte penallti për ne, pasi ishte ndërhyrje e rrezikshme në zonë. Duket se në Itali dinë ta dallojnë rëndësinë e klubeve”, tha Tare.

Lazio është ende në garë për një vend në zonën Champions dhe për më tepër, do të përballet sërish me Milanin në gjysmëfinalen e kthimit të Kupës së Italisë, sfidë në të cilën Tare kërkon hakmarrjen.

“Duhet të vijojmë punën tonë dhe llogaritë t’i bëjmë vetëm në fund. Kemi përpara edhe ndeshjen e Kupës ndaj Milanit, ku duhet të tregojmë vlerat tona, ndonëse mund të them se arbitrat janë në borxh të madh me ne, që prej vitit të kaluar”, shtoi Tare.

Ndeshja Milan-Lazio në “San Siro” vendoste jo pak për kualifikimin në Champions dhe presioni psikologjik mbi nervat e lojtarëve ishte i lartë, sidomos në dy momente kyçe. Fillimisht një pretendim penalltie nga ana e Lazios, pas duelit në zonë mes Rodrigezit e Milinkoviç-Saviçit, dhe pastaj një festim i dy lojtarëve milanistë me fanellën e dhuruar nga futbollisti i Lazios, Acerbi./Opinion.al

 

Pas