InstaBIZ

Pas deklaratave të ish-kunatës për divorcin, reagon Miley Cyrus


               Publikuar në : 08:27 - 24/11/19 |
xhu lia

Një ndër ndarjet më të bujshme të showbizit botëror ka qenë padyshim ajo mes Liam Hemsworth dhe Miley Cyrus.

Çifti u nda pas vetëm pak muajsh martesë dhe një lidhje 10-vjeçare. Pak ditë më parë kunata e Liam, u shpreh gjatë një interviste se ai meritonte më shumë dhe më mirë se Miley.

Por mesa duket kjo deklaratë nuk ka kaluar pa u vënë re nga këngëtarja dhe sipas mediave të huaja ka reaguar duke u shprehur se nuk dëshiron që askush të ndërhyjë apo të flasë për marrëdhënien mes tyre pa ditur çfarë ka ndodhur.

“Miley e di të vërtetën për marrëdhënien e saj me Liam dhe atë që ndodhi mes tyre. Ajo uron që të gjithë të respektojnë privatësinë e tyre dhe të mos flasin për të kaluarën e tyre në publik sepse ajo dhe Liam janë të vetmit që e dinë të vërtetën e plotë. Miley e kupton që ata të dy kanë familje dhe të dashur që i kanë treguar mbështetje gjatë kësaj ndarje, por nuk mendon se dikush duhet të flasë negativisht për situatën e tyre. Familja e Miley nuk ka përmendur kurrë ndonjë fjalë për Liam, dhe ajo do të dëshironte që familja e tij t’i respektonte të njëjtat kufij”, –mësohet të kenë thënë burime pranë saj për “Hollywood life”.

Aktualisht Miley është në një lidhje dashurie me mikun e saj të fëmijërisë muzikantin Cody Simpson./Opinion.al/

Pas