Tifozët e Skënderbeut janë shumë të pakënaqur me ekipin e tyre edhe pse fazën e parë e mbylli në krye të renditjes. Loja aspak bindëse e ekipit korçar në përgjithësi i ka zhgënjyer jashtëzakonisht shumë mbështetësit bardhekuq, të cilët kanë shprehur hapur kritikat për trajnerin e ekipit, italianin Agostineli, me anë të komenteve në faqen zyrtare të klubit.
Barazimi i djeshëm i Skënderbeut në “Elbasan Arena” përballë Partizanit nuk është rezultat i keq për kampionët të cilët ruajtën kreun, por loja e dobët e zhvilluar nga ekipi në fushë, i cili i la mundësinë të kuqve të dominonin gjatë gjithë ndeshjes, madje edhe kur ishin në disavantazh numerik, ka bërë që një pjesë e madhe tifozësh të kërkojnë largimin e trajnerit.
