Në një kohë kur përhapja e pandemisë COVID-19 nuk po njeh rënie, duket se shpresa e vetme që po vjen nga laboratorët e shkencëtareve është hedhja në treg dhe aplikimi në një kohë sa më të shkurtër e vaksinës kundër këtij virusi.
Së fundmi, Agathe Demarais, drejtuese e “The Economist Intelligence Unit”, ka bërë një postim në Tëitter ku vëren se vendet më të varfra do arrijnë të bëjnë një vaksinim të plotë të popullsisë së tyre vetëm në vitin 2023.
Ajo ka publikuar një hartë të krijuar nga sajti i cili drejton, “The Economist Intelligence Unit”, ku vihet re lehtësisht se së pari do të përfitojnë vendet më të pasura dhe më të fuqishme.
Sipas hartës, vendet të cilat janë me ngjyrë jeshile të fortë do ta arrijnë të vaksinojnë gjithë popullsinë e tyre në një hark kohor nga shtatori i vitit 2021 deri në mars të vitit 2022.
Në këto vende bënë pjesë Europa Perëndimore, Shtetet e Bashkuara të Amerikës dhe vendet nordike.
Më ngjyrë jeshile të lehtë, janë ato vende të cilat pritet të vaksinojnë gjithë popullsinë e tyre nga shtatori 2021 deri në qershor të 2022. Në këtë hark kohor, sipas Agathe Demarais, pritet që të përfshihen vendet si Kanada, Greolandë, Rusi etj.
Në dy grupimet e fundit, në hartën e krjuar nga “The Economist Intelligence Unit” bëjnë pjesë vendet të cilat kanë një ekonomi mesatare deri në një ekonomi të dobët.
Me ngjyrë portokalli, janë vendet të cilat pritet ta vaksinojnë popullsinë e tyre brenda vitit 2022. Mes këtyre vendeve bënë pjesë dhe Shqipëria.
Ndërkaq, vendet që supozohet nga Demarais, se do ta vaksinojnë popullsinë e tyre të fundit, përkatësisht në harkun kohor nga prilli i vitit 2022 deri në vitin 2023 ,kjo për shkak edhe të kushteve ekonomike, janë të ngjyrosura me të kuqe në hartë. Mes tyre është një pjesë e madhe e kontinentit Afrikan./Opinion.al
‘’The Economist Intelligence Unit’’ është një derivat i rrjetit të njohur prestigjioz “The Economist”, e cila merret me studime dhe analiza jo vetëm ekonomike, por edhe sociale./Opinion.al
Rich countries will get access to coronavirus vaccines first – for poorer ones, the timeline will stretch until 2024 (at the earliest) pic.twitter.com/UgLieumAFr
— Agathe Demarais (@AgatheDemarais) December 11, 2020
