Një 36-vjeçar është arrestuar nga policia për dhunë ndaj bashkëshortes të shtunën në qytetin e Vlorës.
Ngjarja ka ndodhur në lagjen “10 Korriku”, ndërsa në pranga ka përfunduar Krenar Likskëndaj, i cili kishte ushtruar dhunë fizike ndaj bashkëshortes së tij, shtatases L.L, 28-vjeçe.
Burimet nga policia thanë se gjatë momentit që uniformat blu kanë mbërritur në shtëpi, Likskëndaj ka qenë duke kanosur me thikë vjehrrin dhe kunatin e tij.
Përmes një njoftimi për mediat, policia sqaroi se ka qenë një telefonatë në sallën operative të policisë, ç’ka ka bërë që debati i rëndë të përfundonte pa viktima.
Mësohet se në cilësinë e provës materiale është sekuestruar thika e autorit.
Materialet hetimore iu referuan Prokurorisë së Rrethit Gjyqësor Vlorë ndaj tij për veprat penale ”Dhunë në familje”, ”Prodhimi dhe mbajtja pa leje e armëve të ftohta” dhe ”Kanosja”, të parashikuara nga neni 130/a, 279 dhe 84 të Kodit Penal.
