Gazetari Artan Hoxha ka paralajmëruar se në protestën e opozitës që do të zhvillohet ditën e premte mund të ketë viktima.
Hoxha është shprehur se SHBA duhet ë ndërhyjë sa më shpejtë, në mënyrë që të shmang përplasjet e ashpra gjatë protestës.
Sipas tij, Shqipëria sot po shkon në konflikt civil, ndërsa theksoi se vendimi i presidentit Ilir Meta, i hodhi “benzinë zjarrit”.
“SHBA do të ndërhyjnë por uroj që të ndërhyjnë sa më shpejt. Ne u anëtarësuam në NATO kur na plasi Gërdeci. Shqipëria sot rrezikon të shkojë në konflikt civil. Nëse bashkitë do përdorin rrogëtarët e vet, pazari del shumë keq. As Rama as Basha nuk kanë thënë të ulen të zhbëjnë marrëveshjen e prillit të 2008. Asnjëri nuk thotë se këtë sistem zgjedhor e bëmë vetë. Ata kanë hyrë në parlament me listë. Ata i kanë thirru i kanë thënë më mbulo fushatën në këtë vend dhe do futesh. Sot asnjë nga palët nuk po thotë që do tërhiqet. Këto përgjime janë thjesht benzinë. Protesta e të premtes është paralajmëruar tre ditë më parë. OSBE në Shqipëri nuk e pyet më njeri. Kemi ardhur tek pika që të premten se nëse nuk do ketë një mesazh për të ulur gjakrat mund të ndodhë ajo që përlitet. Deri më tani nuk ka viktimë por nëse gjërat shkojnë kështu mund të kemi edhe viktimë. Nëse presidenti e nënshkroi dekretin, duhet ta dinte se do kishte pasoja. Ai nuk e shoi zjarrin por i hodhi benzinë. Rama gjithmonë përgjegjësi kryesore ka për të garantuar rendin dhe sigurinë”, tha Hoxha./ Opinion.al E.Xh.
