Trajneri i Kombëtares, Kristian Panuçi, vazhdon të jetë në kërkim të armiqve që sipas tij po e sulmojnë në krye të Kuqezinjve.
Në një prononcim para ndeshjes me Izraelin, trajneri nuk la pa përmendur raportin e tij me mediat,
Panuçi tha se ndaj tij janë sajuar lojëra të cilat nuk i pëlqejnë.
“Izraeli tregoi një energji të madhe kundër Skocisë. Ata luajnë në shtëpi dhe e kanë të qartë që janë në lojë për kreun e grupit. Për ne gjithashtu është një mundësi e mirë, nëse do të arrinim një rezultat pozitiv, atëherë me një barazim kundër Skocisë në ndeshjen e fundit, fitojmë grupin. Në do të provojmë të fitojmë. Megjithatë të 3-ja rezultatet kanë të njëjtën vlerë, gjithmonë nëse fitojmë ndaj Skocisë.
Ne do të provojmë të bëjmë lojën tonë dhe të marrim një rezultat pozitiv. Për raporti me mediat? Kam folur gjithnjë dhe jam përgjigjur gjithnjë. Gjithsesi ndaj meje janë sajuar lojëra që nuk më pëlqejnë. Jam gjithnjë në dispozicion për të folur sepse jam teknik i Kombëtares. Duhet që edhe gazetarët të më respektojnë. Flas gjithnjë me presidentin, përpiqem të jem gjithnjë një trajner serioz, dhe të bëj një punë serioze. Më intereson ndeshja ndaj Izraelit dhe jo çfarë mendon apo shkruan shtypi apo mediat.”, tha Panuçi.
