Dhomat e pritjeve të klinikave mjekësore private në të gjithë Hong Kongun kanë qenë relativisht bosh në muajt e fundit, pasi njerëzit largohen nga ato që shohin si vende potencialisht të rrezikshme. Për më tepër, kushdo që ka temperaturë, qoftë edhe të ulët, nuk është lejuar të hyjë në klinika por është dërguar në spital.
Kjo ka shtyrë klinikat private, të cilat janë të prirura të vazhdojnë t’u shërbejnë pacientëve të tyre, drejt telemjekësisë, në të cilën pacientët këshillohen me një mjek dhe marrin diagnoza nga distanca.
Spitali Ndërkombëtar “Matilda” në Hong Kong prezantoi konsultime online në fillim të shkurtit, duke ofruar një çmim të reduktuar prej 20 $. Ky spital përdor RingMD, një sistem digjital i kujdesit shëndetësor, që lidh mjekët me pacientët përmes një platforme të sigurt në internet. Pacientët skanojnë një kod QR për të parë orët në dispozicion të takimit dhe për të konfirmuar një orar. Kur mjeku lidhet me pacientin në internet, ata kanë qasje në të dhënat shëndetsore të pacientit, përmes një sistemi të sigurt.
Por ka edhe sfida, nuk mund të dëgjoni rrahjet e zemrës së një pacienti, nuk mund të matni temperaturën ose të ndjeni pulsin e tyre. Pra, ne marrim më shumë kohë për të dëgjuar historinë e tyre, duke u kërkuar atyre informacion, nëse ata kanë një termometër dhe mund të marrin temperaturën e tyre.
Doktoreshë Nichola Salmond nga Optimal Family Health, filloi të ofrojë konsulta nga aplikacioni Zoom në mes të marsit dhe viziton disa pacientë në ditë, në këtë mënyrë. Ajo thotë se kjo metodë plotëson rregulloren dhe është efektive për ata me simptoma të drejtpërdrejta ose kërkesa për receta të përsëritura, por mund të jetë sfiduese në rastet që kërkojnë një vështrim të thellë.
Merrni pacientin me probleme me bajamet, doktoresha i bëri konsultim me video, sepse adoleshenti kishte ethe dhe nuk mund të shkonte në klinikë.
‘Pjesa e ekzaminimit ishte e vështirë. Nëna e vajzës nuk kishte shkopin [prej druri] dhe vajza nuk mund t’a hapte gojën sa duhet. Do të ishte shumë më e lehtë nëse pacienti do të ishte në klinikë,’- thotë Salmond, e cila kërkon t’i kryhet e njëjta pagesë si në konsultimet online ashtu edhe fizikisht. ‘Është e vështirë,’- thotë Salmond, por jo e pamundur.
Salmond dhe doktorë të tjerë presin që teksa teknologjia përparon, telemjekësia të përmirësohet dhe pacientët të jenë në gjendje të kryejnë më shumë vetë-monitorim, për shembull duke kontrolluar presionin e tyre të gjakut ose nivelet e sheqerit dhe duke ndarë ato lexime me mjekun e tyre.
Kur të kalojë ‘sezoni i koronavirusit’ dhe pacientët të ndihen rehat të kthehen në dhomat e pritjes, Salmond pret që shumica e pacientëve të bëjnë vizita fizike me mjekët. Telemjekësia mund të përdoret më shpesh për pacientët para dhe pas operacioneve./Opinion.al
