Bota

Pamjet nga lart, dëmet që ka shkaktuar zjarri në Notre Dame


               Publikuar në : 23:25 - 15/04/19 |
geliano fataj

Gazetari i Radio Francës, Alexandre Fremont, ka publikuar një foto e bërë nga droni, që tregon dëme të konsiderueshme të katedrales Notre Dame.

Ndërkohë një zyrtar francez i ka thënë Reuters se një zjarrfikës është plagosur rëndë duke luftuar me flakët që përfshinë katedralen.  Referuar mediave ndërkombëtare thuhet se struktura e Notre-Dame është ruajtur nga shkatërrimi total.

Me qindra njerëz janë mbledhur në rrugët përreth Katedrales në Paris duke parë flakët në heshtje.  Katedralja e famshme e Parisit u përfshi nga flakët për shkaqe ende të qarta. Zyrtarët thanë se zjarri mund të ketë ardhur si pasojë e punës restauruese.

Pavarësisht përpjekjeve të zjarrfikësve, maja e katedrales 850-vjeçare dhe çatia u shkatërruan, ndërsa flakët vijojnë të jenë aktive.

Historiania Camille Pascal, duke folur për mediat franceze tha se zjarri po shkatërronte një “pasuri të çmuar“. “Për 800 vjet, Katedralja ka qëndruar krenare mbi Parisin. Për shekuj me radhë, ngjarje të lumtura dhe fatkeqe janë shënjuar nga këmbanat e Notre Damit. Nuk mund të jemi veçse të hidhëruar nga ajo që po shohim”./Opinion.al

Pas