Një ngjarje tejet e rëndë ndodhi pasditen e sotme në Fier. 16 vjeçari Denis Vrenozi humbi jetën në spital pasi u qëllua me thikë në zemer nga një 17 vjecar. Policia tha se ka shpallur ne kerkim autorin e vrasjes.
Denisi mbeti disa minuta i mbuluar nga pellgu i gjakut ne asfakt e me pas u transportua ne spital ku nuk mundi ti mbijetonte plageve te rende. Paraprakisht dyshohet për një sherr për motive të dobëta mes dy adoleshënteve, gjithsesi policia ende nuk ka dhënë pistën e saktë të hetimeve.
pamjet e vendit te ngjarjes
Njoftimi i policisë
Policia bëri të ditur se rreth orës 16:30 ka shkuar në Spitalin Rajonal Fier i plagosur me mjet prerës shtetasi D.V, 16 vjeç, banues në Hoxharë të Vjetër.
Dyshohet se ngjarja ka ndodhur në vendin e quajtur “Zogu i Zi”, Fier ku pas një sherri mes dy të rinjve ka mbetur i plagosur me thikë shtetasi D.V.
Eshtë shpallur në kërkim si autor i dyshuar i ngjarjes shtetasi F.G, rreth 17 vjeç dhe po punohet për kapjen e tij.
Shtetasi i dëmtuar ka ndërruar jetë në Spitalin Rajonal Fier.
Është ngritur grupi hetimor i cili po punon për zbardhjen e plotë të rrethanave të ngjarjes.
Forca të shumta policie nga Komisariati i Fierit dhe nga Sektori për Krimet e Rënda kanë ngritur pika të shumta kontrolli dhe po punojnë për kapjen e autorit.
