Kryeministrja e Finlandës, Sanna Marin është vënë në qendër të kritikave në vend pas publikimit të videos nga një festë e shfrenuar me miqtë e saj. Shumë depuetë dhe politikanë kanë kërkuar që liderja e Finlandës të kryejë testin e drogës.
Ndërkohë, në lidhje me këtë situatë të krijuar ka folur dhe vetë kryeministrja Sanna Marin, në një konferencë për mediat nga aeroporti Rissala të Kuopio.
Kryeministrja tha se nuk ka asgjë për të fshehur, nuk ka përdorur drogë, ndërsa shtoi se për të nuk është problem të bëj një test droge.
“Nuk kam asgjë për të fshehur. Nuk kam përdorur drogë, ndaj nuk është problem të bëj një test droge, por gjithashtu mendoj se është krejtësisht e drejtë që të kërkohet diçka e tillë. Nuk pashë asnjë provë që të ishte përdorur droga gjëkundi”, tha Marin.
Sipas mediave të huaja, gjatë videos, kryeministrja dhe të pranishmit e tjerë dëgjohen duke bërtitur “flour”, që në gjuhën e përditshme do të thotë kokainë.
Duke iu përgjigjur këtyre kritikave, Marin u shpreh se nuk ia ka idenë se pse të pranishmit në festë thanë “flour”, pasi ata nuk kishin asgjë të paligjshme.
“Ndoshta do të ishte mirë që përfaqësuesit e mediave dhe të gjithë të tjerët ta dëgjonin sërish atë video dhe të dëgjonin se çfarë thuhet në të. Kur e degjova edhe disa here ate video, mendoj se nuk ata thanë “flour” por diçka tjeter. ”, tha Marin./Opinion.al
Kur u pyet gjatë konferencës për shtyp, nëse duhet një hetim nga policia, u shpreh se nuk është e nevojshme pasi nuk kishte asgjë ilegale.
Finland’s 36-year-old Prime Minister @MarinSanna is facing her own #PartyGate today after a video was leaked to the media.
People can be heard shouting in the background about cocaine.
Finnish media seems to overwhelmingly believe that it’s not a good look for a PM. pic.twitter.com/Pq0XWWY78f
— Visegrád 24 (@visegrad24) August 17, 2022
